Bizneset dhe Sindikatat sot treguan kërkesat e tyre tek Qeveria e Maqedonisë, për situatën e rënduar ekonomike nga kriza energjetike

Biznesi dhe Qeveria u dakorduan sot që masat për përballimin më të lehtë të krizës energjetike të miratohen deri në fund të kësaj jave ose më së voni deri të mërkurën e ardhshme.

Nga seanca e Këshillit Ekonomik nuk ka dalë asnjë vendim konkret.

Kompanitë përsëritën kërkesat e tyre, ndërsa Sindikata LSM shpalli kërkesat e saj.

Përfaqësuesit e odave ekonomike, siç bënë të ditur pas mbledhjes së Këshillit Ekonomik, presin që termocentrali të vihet në funksion dhe ai të prodhojë energji më të lirë se energjia elektrike në bursë.

“Ne kemi shpallur tashmë masat tona për të kufizuar marzhet e prodhuesve të energjisë elektrike. Ne ramë dakord që në të ardhmen për furnizimin e mundshëm me energji elektrike nga jashtë dhe prodhimin në vendin tonë, të bëhet një llogaritje, të gjendet mesatarja dhe të ndahet ajo mesatare. Nëse prodhimi ynë është 100 euro për megavat orë, kurse energjia elektrike e importuar është 300 euro, ajo mesatare duhet të ndahet dhe kompanitë të paguajnë energjinë elektrike në tregun e lirë me çmim më të ulët se çmimi i bursës”, tha kryetari i Odës së Tregtisë së Maqedonisë Veriperëndimore, Nebi Hoxha.

Sipas kryetarit të Bashkimit të Odave Ekonomike, Trajan Angeloski, mund të mos ketë energji të mjaftueshme për të gjitha 1700 kompanitë.

“Është diskutuar që nëse bëhen kombinime të caktuara me përfshirjen e TE-TO dhe burimeve të rinovueshme të energjisë, të merret një çmim prej 300 eurosh që shteti do t’ia ofronte disi sektorit real dhe do të rregullohej. Ndoshta nuk do të ketë energji të mjaftueshme për të gjitha 1700 kompanitë, do të shihet se kush mund ta durojë, është individuale”, tha Angeloski.

LSM kërkon rikthimin e masës së të drejtës së kartës së pagesës për blerjen e produkteve vendase, si dhe pagat në shtet të pasojnë rritje për shkak të inflacionit, por edhe rritjes së shportës së sindikatës.

“LSM kërkon zbatimin konsekuent të dispozitave të kontratave kolektive për harmonizimin e pagave sipas rritjes së inflacionit, si dhe vendosjen e një dispozite të tillë në marrëveshjen e përgjithshme kolektive për sektorin publik dhe në kontratën e përgjithshme kolektive për sektorin privat, i cili do të zbatohet për të gjithë punëtorët dhe punëdhënësit, kërkon zgjerimin e masave të mëparshme antikrizë duke ngrirë marzhin për produktet e përcaktuara më parë si dhe zgjerimin e më shumë produkteve ushqimore, por kërkon edhe rikthimin e masës së së drejtës për kartelat e pagesës për blerjen e prodhimeve vendore dhe pagesën e faturave të energjisë elektrike për një kategori të caktuar të punëtorëve dhe qytetarëve që janë më të rrezikuarit dhe më të prekurit nga kriza ekonomike”, theksoi kryetari i LSM-së Darko Dimovski.

Nga LSM kërkuan gjithashtu që të mundësohet transporti falas i qytetarëve për dhe nga puna, duke qenë se shpenzimi i tillë për qytetarët që punojnë është i përditshëm dhe i pashmangshëm.

Në seancën e Këshillit Ekonomik morën pjesë edhe përfaqësues nga MANU dhe universitetet.