Zëvendëskryeministri Besnik Bislimi është deklaruar para mediave me t’u futur në territorin e Kosovës, pasi autoritetet policore serbe sot i pamundësuan të merrte pjesë në një konferencë në Beograd, duke e kthyer mbrapa 85 km para se të mbërrinte në kryeqytetin serb.
Bislimi ka thënë se kishte pasur në plan të merrte pjesë në konferencën e Forumit për Marrëdhënie Etnike, në tryezën e diskutimit “Dialogu Diplomatik”, me temë “Kosova dhe Perspektiva Evropiane e Rajonit”.
Zëvendëskryeministri tha se rreth 85 kilometra para se të arrinte në kryeqytetin e Serbisë, Beograd, policia serbe e kanë njoftuar se vizita duhet të ndërpritet për shkak se delegacionit të Kosovës nuk mund t’i ofrohej siguri.
“Ne kemi paraqitur kërkesën para organeve shtetërore serbe qysh nga java e kaluar dhe gjithçka ishte në rregull. Edhe sot gjithçka ishte në rregull derisa në një moment të caktuar na është thënë se Serbia nuk mund të na ofrojë siguri, apo siguria ka qenë e cenuar”, shtoi zëvendëskryeministri.
Ai tha se pala serbe ka shpifur arsye, kinse për shkaqe të sigurisë për mos lejuar vizitën në Beograd.
“Për neve ky kthim është një sinjal se Serbia nuk është e gatshme të punojë për normalizimin e marrëdhënieve. Është paradoksale që në një konferencë për sigurinë, Serbia pranon se ka njerëz që cenojnë sigurinë dhe pranon se është e dobët për të ofruar siguri për pjesëmarrësit”.
Bislimi thotë se arsyeja e ndalimit është tërësisht tjetër, pasi sipas tij në plan ka qenë që të ofrohen informacione nga Kosova për të vërtetën e zhvillimeve.
“Ne kemi pasur për qëllim që Beogradit dhe korit diplomatik por edhe qytetarëve atje të iu ofrojmë versionin e Kosovës mbi zhvillimet në vend. Ju e dini që qytetarët në Serbi i janë ekspozuar një propagande shumë të tmerrshme nga Qeveria e Serbisë dhe një të vërtete të shpikur rreth zhvillimeve edhe në Kosovë edhe në dialogun me Serbinë”, deklaroi zëvendëskryeministri Bislimi.
I pyetur nëse do të ketë ndonjë tentativë tjetër për të marrë pjesë në konferencë, ai ka thënë se një gjë të tillë do ta bëjë vetëm përmes videolidhjes.
Ai tha se për këtë zhvillim ka njoftuar tashmë edhe faktorin ndërkombëtar.
Drejtori i Forumit për Marrëdhënie Etnike në Beograd, Dushan Janjiq që ishte edhe organizator i këtij forumi tha se ky kthim i Bislimit dërgon një mesazh të keq për qytetarët e Serbisë, pasi sipas tij nuk mund të garantohet siguria e njeriut që erdhi të flasë për perspektivën evropiane të rajonit.
Udhëtimi drejt Beogradit erdhi në ditën e njëjtë kur Lista Serbe dhe zyrtarët në Serbi, kanë paralajmëruar se do të ketë barrikada në veri, nëse pas 31 tetorit, Kosova konfiskon makinat dhe targat serbe.
Nga 1 shtatori deri më 31 tetor, Qeveria e Kosovës ka thënë se serbët në Kosovë mund të pajisen me targat RKS (Republika e Kosovës) për të zëvendësuar targat që Serbia i lëshon për ta.
Presidenti serb Aleksandar Vuçiq tha të enjten se paralajmërimet e Prishtinës për zbatimin e vendimit për konvertimin e targave të makinave në veriun e Kosovës kërcënojnë qëndrueshmërinë, paqen dhe mbijetesën e popullit serb në Kosovë.
Presidentja e Kosovës Vjosa Osmani tha ndërkaq se është Serbia ajo e cila po kërcënon me dhunë ndaj një veprimi ligjor të autoriteteve të vendit.
Të hënën më 31 tetor skadon afati i vendosur nga qeveria e Kosovës për konvertimin e targave të makinave të lëshuara nga Serbia me ato të Republikës së Kosovës.
Përfaqësuesit e serbëve paralajmëruan bllokimin e rrugëve nëse siç thanë, autoritetet ndërmarrin veprime për konfiskimin e makinave me targa serbe.
Ky paralajmërim u bë nga udhëheqësi i Listës Serbe, Goran Rakiq, ministër në qeverinë e Kosovës pas një takimi në Beograd me presidentin e Serbisë Aleksandar Vuçiq./Telegrafi/
Promo
Reklamo këtuLufta Prigozhin - Putin
Më shumëOsmani publikon fotografi nga darka e organizuar nga Macroni për krerët e shteteve të Frankofonisë
Mandl: Lidershipi i Serbisë po sillet në mënyrë agresive duke mos e pranuar të kaluarën
Kurti kërkon nga Perëndimi t’i ndërpriten ndihmat Serbisë dhe kthimin e zonës së sigurisë kufitare
Kurti tha se liberalizimi i vizave nuk e ka rritur migrimin, reagon Haradinaj
Rashiq: Pres që ndalesa për importin e mallrave nga Serbia të hiqet
Vujanoviq: Paqja dhe stabiliteti i rajonit të sigurohet nga vet shtetet e Ballkanit Perëndimor
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri