Çmimet e naftës ranë në 99 dollarë pasi tregtarët kanë frikë se inflacioni i lartë do ta shtyjë bankën qendrore të SHBA të rrisë ndjeshëm normat e interesit, gjë që mund të zbehë ekonominë dhe kërkesën për energji.
Në tregun e Londrës, çmimi i një fuçie pas mesditës ishte me 33 cent më i ulët se në momentin e mbylljes së djeshme dhe arriti në 99.16 dollarë. Dje e mbylli tregtinë në minus 7.61 dollarë.
Në tregun amerikan një fuçi u tregtua sot me një çmim thuajse të pandryshuar prej 95,72 dollarë. Dje, ajo mbylli tregtinë me një humbje prej 8.25 dollarësh. Çmimet u mbyllën dje në Londër nën nivelin 100 dollarë, për herë të parë në tre muaj, për shkak të dollarit të fortë, masave të rrepta për të luftuar COVID-19 në importuesin kryesor në botë, Kinën dhe frikës për një ngadalësim të ekonomisë globale.
Pavarësisht ofertës së ngushtë të tregut fizik, investitorët shisnin naftë në kontrata të së ardhmes, nga frika se një rritje agresive e normave të interesit mund të ngadalësonte rritjen ekonomike dhe rrjedhimisht kërkesën për naftë.
Sot, vëmendja u përqendrua në faktin se inflacioni në SHBA kaloi shifrat e nëntë për qind për muajin qershor, duke arritur nivelin më të lartë në më shumë se 40 vjet, gjë që spekulohet se mund të shtyjë FED të rrisë normat e interesit me tre të katërtat e një pikë përqindjeje. deri në fund të muajit.
Me furnizimet ende të ngushta, tregu do të vëzhgojë nga afër vizitën e presidentit amerikan, Joe Biden në Lindjen e Mesme. Biden pritet t’i kërkojë Arabisë Saudite dhe prodhuesve të tjerë në Gjirin Persik që të rrisin prodhimin.
Fokusi sot do të jetë edhe në raportin e qeverisë për inventarët në SHBA javën e kaluar. Analistët presin që ajo të tregojë një rënie në inventarët e naftës bruto dhe benzinës. Por sipas të dhënave nga Instituti Amerikan i Naftës (API), të cituara nga burime të martën, inventarët e naftës bruto u rritën me rreth 4.8 milionë fuçi, duke rritur presionin mbi çmimet.
Për shkak të festave në botën myslimane, Organizata e Vendeve Eksportuese të Naftës (OPEC) as sot nuk ka bërë të ditur çmimin e një fuçie të shportës së naftës të anëtarëve të saj. Të martën e kaluar, ajo ishte 114,3 dollarë. /Telegrafi/
Promo
Reklamo këtuLufta Prigozhin - Putin
Më shumëFranca është magnet për investitorët e huaj - cilat reforma i bëri për t'i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Me çka e shijon bukën ma s'shumti edhe pse bash me sugjukun Meka?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe