Para marrjes së detyrës, kushtetuta kërkon që të gjithë presidentët të bëjnë një betim.
Franklin D Roosevelt ka më së shumti betime - katër herë- , pasi fitoi po aq herë zgjedhjet. Por si funksionon kjo?
Kthehemi në vitin 2009, gjatë inaugurimit të Barack Obamas, ku ky i fundit është dashur dy herë të betohet pas një gabimi të kryeprokurorit John Roberts, i cili do të administronte betimin. Pra, vetëm për të qenë të sigurt, Obama e bëri atë përsëri të nesërmen, raporton bbc.
Përurimi i tij i dytë, në vitin 2013, ishte më pak dramatik. Meqenëse 20 janari ra të dielën e atij viti, Obama dha betimin gjatë një ceremonie private në Shtëpinë e Bardhë, dhe pastaj përsëri në publik të nesërmen.
Ai nuk është i pari që përplaset me formulimin - pesë presidentë të tjerë kanë bërë të njëjtën gjë - por ai është i vetmi që bën përsëri një betim me korrigjime.
Në vitin 1929, një gabim në betimin e Herbert Hooverit u zbulua nga një vajzë 13-vjeçare, Helen Terwilliger, e cila kishte mësuar përmendësh formulimin dhe po dëgjonte në radio.
Ajo më vonë i shkroi për këtë Shefit të Drejtësisë, William Taft, i cili pranoi gabimin e tij, por këmbënguli se nuk e zhvleftësonte presidencën e Hoover. /Telegrafi/
