Besnike ndaj vetes, pa grim, Pamela Anderson mori një çmim të rëndësishëm për gratë

Stili i denjë i Hollywood-it të vjetër

Në Nju Jork u dhanë çmimet “Glamour Women of the Year” dhe një nga fitueset është Pamela Anderson.

Aktorja është shfaqur në një edicion tejet elegant, besnike ndaj stilit të saj të muajve të fundit – pa grim.

Aktorja dhe aktivistja, ish-roja e famshme e plazhit është 57 vjeçe dhe e ka të qartë qëndrimin se në këtë moshë dëshiron veçanërisht të ruajë një pamje natyrale.

Në mbrëmjen magjepsëse, ajo dukej shumë elegante me një fustan ngjyrë bruz, mëngët e të cilit u kthyen në një pelerinë deri në dysheme, ndërsa dekolteja ishte luksoze falë perlave të argjendta, transmeton Telegrafi.

Pas statusit të dikurshëm të seks simbolit, të cilin e kishte prej dekadash, Pamela duket qartë se po jeton një epokë të re.

Ajo debutoi me pamjen e saj të re pa grim gjatë Javës së Modës në Paris në shtator 2023, dhe gjithçka është një vazhdim i kësaj. Duke gjykuar nga çmimet që merr, mund të thuhet se po ecën mirë.

Duke pranuar çmimin prestigjioz së fundmi, ylli i Hollywoodit tha se më në fund kishte gjetur një “rrugë të re të lavdishme dhe të papërsosur” në jetën e saj, pasi ktheu një mënyrë të re dhe rizbuloi pasionin e saj për aktrimin.

/Telegrafi/