Forca e Sigurisë së Kosovës ka përfunduar të premten ceremoninë e garës ndërkombëtare e ushtarit të mirë 2019. Besnik Nebihu është përzgjedhur ushtari më i mirë për sivjet.
Në garë morën pjesë pjesëtarë të Forcës dhe të partnerëve ndërkombëtarë, dhe nga rajoni.
Në kazermën e FSK-së “Adem Jashari” në Prishtinë, në ceremoninë e garës së ushtarit më të mirë, që është model i gardës së IOWA-s nga Shtetet e Bashkuara të Amerikës, u tha se kjo garë ka treguar shkathtësitë ushtarake dhe qëndrueshmërinë e pjesëtarëve të Forcës.
Zëvëndëskomandanti i FSK-së, gjeneral brigade Enver Cikaqi u zotua se në garën e ardhshme do të jenë edhe më të përgatitur.
“Ne do të identifikojmë të gjitha mangësitë që kanë qenë dhe do të mundohemi që edhe viteve të ardhshme kur do të organizojmë garën e ushtarit më të mirë, të jemi sa më të përgatitur më tutje. Të gjitha temat që janë zhvilluar, që kanë qenë pjesë e testimeve dhe vlerësimeve kanë qenë që e kanë sfiduar ushtarin, por njëkohësisht edhe e kanë përgatitur me përvoja të reja që secili e dimë sa janë të rëndësishme për punën e nënoficerit. Edhe njëherë dua të përgëzoj të gjithë ata që kanë marrë pjesë në këtë organizim, dua të përcjelli të te gjithë bordi, që ka bërë një vlerësim aq të mirë, të jap zotimin edhe në emër të gjeneral Ramës, që do të vazhdojmë këtë partneritet me të gjithë shtetet tona mike”, tha ai.
Ndërsa zëvëndësministri i Mbrojtjes, Burim Ramadani tha se kjo garë promovon vlerat dhe gatishmërinë e FSK-së.
“Jam i bindur se kjo garë, tashmë tradicionale, promovon vlerat, gatishmërinë, profesionalizmin e FSK-së dhe po ashtu ndihmon edhe në shkëmbimin e përvojave me ushtarët ndërkombëtar nga vendet partnere. Shpresoj që gara në të cilën keni marrë pjesë, të ishte sfiduese njëkohësisht të ishte edhe argëtuese në aspeketin e miqësimit në mes jush”, tha Ramadani.
Për detajet e organizimit të garës foli rreshter-majori i parë Genc Metaj.
Ai bëri të ditur se gjatë garës, e cila ka filluar më 22 prill, nuk ka pasur asnjë të lënduar, dhe të gjithë e kanë përfunduar atë me sukses.
“Kjo garë dhe ky model i matë shkathtësitë ushtarake, saktësinë dhe qëndrueshmërinë e ushtarëve. Për FSK-në, qëllimi primar i garës së ushtarit më të mirë rritja e aftësive ushtarake, ngritja e fitnesit fizik dhe përzgjedhja e më të mirëve. Mirëpo prezenca e partnerëve ndërkombëtarë i ka dhënë një kuptim krejt tjetër, një kuptim edhe më të mirë, sepse u ka krijuar mundësi ushtarëve tonë, dhe partnerëve që kanë qenë pjesëmarrës, që me i nda njohuritë, me shkëmby aftësi ushtarake, luftarake dhe me kriju raporte shoqërore”, tha ai.
E për Besnik Nebihun, që tani është ushtari më i mirë i vitit, triumfi në këtë garë ka domethënie të veçantë.
“Është një ndjenjë e mirë me fitu garën e ushtarit më të mirë të FSK-së. Gara ka qenë e një niveli më të lartë, kështu që konkurrenca ka qenë gjithashtu shumë e fortë mirëpo normal çdo garë dikush duhet të fitojë dhe dikush duhet të humbasë”, tha ai.
FSK ka filluar organizimin e garës së ushtarit më të mirë në vitin 2014, si model i marrë nga garda e IOWA-s.
E nga viti 2017 gara e ushtarit më të mirë është hapur edhe për partnerët ndërkombëtar ku kanë marrë pjesë shtete të ndryshme.
Gara është produkt i nënoficerëve dhe udhëhiqet nga ta.
Qëllimi i garës, sipas FSK-së, është promovimi i shpirtit luftarak dhe garues ndërmjet ushtarëve, duke identifikuar ushtarët dhe nënoficerët më të mirë në detyrat e përgjithshme, si dhe për të shpërblyer më të mirët për arritjet e tyre.
Ceremonia e garës 2019 ka filluar më 22 prill dhe ka përfunduar sot më 26 prill 2019.
Pjesëmarrës ishin 40 garues, 22 nga FSK dhe 18 nga vendet partnere si Shtetet e Bashkuara të Amerikës(nga garda e IOWA-s), Britania e Madhe, Shqipëria, Kroacia, Kanada, Belgjika, Polonia, Turqia dhe Maqedonia e Veriut. /kp/Telegrafi/
Lufta Prigozhin - Putin
Më shumëNga Rubrika
Konjufca shpreh ngushëllime për vdekjen e tre të rinjve, apelon për kujdes të shtuar gjatë vozitjes
Mexhiti: Ka destabilizim në Frontin Evropian, kur nuk kanë pushtet s’ka çfarë i bën bashkë
Protesta e opozitës, policia kalon në gatishmëri – blindohen rrugët e institucionet
Shefi i Zjarrfikësve jep detaje nga aksidenti tragjik në Liqenin e Badovcit: Dy trupa u gjetën në ujë, një në veturë
Dyshohet se vetura ra në Liqenin e Badovcit, humbin jetën tre persona
Aksidenti me tre të vdekur, reagon Rama: Momentet e tilla janë të rënda për të gjithë ne
Tragjedia në Liqenin e Badovcit, reagon Haradinaj
Nga Mali i Zi në Kosovë: Historia e mjekes që u bë dorë e zgjatur për shumë gra
Kaluan ilegalisht kufirin në Zubin Potok – policia arreston dy persona, u gjeti radiolidhje dhe thikë
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Ylli i Real Madridit ulërin nga dhimbjet e mëdha pas lëndimit të tmerrshëm që pësoi ndaj Villarrealit
Kader Kicaj pjesë e kinematografisë evropiane?
Ronaldo kërkon nga drejtuesit e Al Nassr t’i bëjnë yllit të Man Cityt një ofertë prej një milionë eurosh në javë
Mysafirëve në "daljen e parë publike në 11 vjet" të Michael Schumacher iu dha një rregull i rreptë për t'u ndjekur
Xhuli Nura zbulon lidhjen e re: Djaloshi nga Zvicra është më i ri se ajo
Dyshohet se përmban një oqean dy herë më të madh se ai i Tokës, NASA gati të nisë anijen më të madhe kozmike drejt hënës së Jupiterit