Në historinë e fotografisë shqiptare, emri i Bernadina Marubit ende nuk është artikuluar siç duhet për kontributet e saj. Në Muzeun Kombëtar Marubi, galeria e fotografive të realizuara prej saj, dallon për lirizmin që mbart.
I ulur në një karrige druri, Peng Jaku duket i butë dhe pse ka veshur një kostum xhandarmerie. Fotoja është realizuar në vitin 1922, pikërisht në studion e të jatit, Kel Marubit.
Alo Cami është një tjetër shkodran që pozon para aparatit fotografik të Bernadinës. Zenel Tepelena, Ragip Gjylbegu, apo Luke Ndocja që i dallohet përparsja e bardhë në fustanin me vija, janë të tjerë personazhe të Shkodrës fotografuar nga Bernadina.
Por, për vajzën që mori dashurinë për fotografinë nga fotot e të atit, dimë shumë pak. Në historinë e fotografisë shqiptare ajo konsiderohet si femra e parë fotografe. Kryesisht fotot e realizuara prej saj datojnë pas 1920-tës.
Bernardina Marubi njihet edhe si vajza që qëndisi flamurin me një shqiponjë dykrenore me dy flatra më 1913-n (flamur që gjendet sot tek arbëreshët e Italisë)
Vajza e Kel Marubit, u rrit duke ndjekur lojën e aparatit fotografik, duke parë sesi në studion e vogël, merrnin jetë negativa filmash. Ashtu me ndrojtjen e një fëmije, ajo nisi të bënte fotot e para, pa e ditur se ato shkrepje do të shënjonin një periudhë të rëndësishme për fotografinë shqiptare.
Fotot e realizuara nga Bernardina dhe anëtarë të tjerë të dinastisë Marubi, mund t’i shohim në muzeun virtual që tashmë është gati për të mirëpritur shikuesit. Rreth 100 mijë fotografi të digjitalizuara (45 mijë prej tyre janë hedhur në muze) të ftojnë të udhëtosh në kohë, për të parë personazhe dhe imazhe që të japin një pasqyrë tjetër të kulturës dhe historisë të së shkuarës sonë, të shkrepura gjatë gjysmës së dytë të shekullit XIX dhe fillimit të shekullit XX.
Për jetën private të Bernadinës ne dimë shumë pak. Në shkrime të kohës shohim vetëm se pas martese ajo ka marrë mbiemrin Harapi. Për gruan që ka sjellë një koleksion të çmuar në Shqipërinë e pas viteve 1920-të me siguri do të hulumtohet më shumë për studiuesit e fotografisë.
Lufta Prigozhin - Putin
Më shumëParaqitja e tmerrshme e Mbretëreshës së ndjerë flet për fundin e epokës së statujave
INTIME
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Karnavalet, origjina dhe domethënia
Harta e shteteve të Evropës, gjatë 2400 vjetëve
Fillimet romantike të Naim Frashërit dhe novela “Katër stinët”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre