Berlusconi bën debutimin në TikTok në prag të zgjedhjeve

Ish-kryeministri i Italisë, Silvio Berlusconi, ka bërë debutimin e tij në TikTok në një përpjekjeje për t’iu bërë thirrje të rinjve në prag të zgjedhjeve kombëtare të këtij muaji, pasi vendi uli moshën e njerëzve për të votuar.

“Përshëndetje djema, ja ku jam”, tha 85-vjeçari, duke publikuar videon e tij të shkurtër në faqen e medieve sociale në pronësi kineze, që përdoret më shpesh nga adoleshentët dhe dominohet nga kërcimtarët dhe videot e modës, transmeton Telegrafi.

Berlusconi, i cili udhëhoqi qeverinë italiane tre herë, po planifikon një rikthim politik në zgjedhjet e 25 shtatorit, pasi dorëheqja në korrik e kryeministrit, Mario Draghi, e zhyti vendin përsëri në një krizë politike.

Sipas sondazheve, aleanca midis partisë Forza Italia të Berlusconit, Ligës së Matteo Salvinit dhe Vëllezërit të Italisë së ekstremit të djathtë të Giorgia Melonit janë favoritët për të fituar zgjedhjet.

Paraqitja e Berlusconit në TikTok është strategjike pasi Italia ka ulur moshën që votuesit duhet të arrijnë përpara se të kenë të drejtë të zgjedhin senatorë nga 25 në 18, duke i hapur rrugën 4 milionë të rinjve në moshë madhore për të fituar të drejtën për të votuar për dhomën e sipërme legjislative.

“Janë 5 milionë nga ju në këtë platformë dhe 60 për qind prej jush janë nën 30 vjeç dhe ndihem pak ziliqar (që nuk jam i ri) për këtë”, shtoi ai. /Telegrafi/