I bëri të gjithë të flasin për bukurinë e saj, tash komentohet për lidhjen me lojtarin me ngjyrë (Foto)

Media të shumta evropiane përmendën bukurinë e Irid Oxës, gjatë kohës sa ajo bënte tifo për Shqipërinë në Kampionatin Evropian.

Fama e saj u rrit akoma më shumë, pas lidhjes me futbollistin ganez të Torinos, Afriyie Acquah. Fakti që i dashuri i saj është me ngjyrë, ka nxitur paragjykime.

“Jeta private është shumë e shenjtë për mua dhe më vjen keq që padashur u përfol, sepse ndoshta u përqendruan shumë dhe te ngjyra e lëkurës, pa dashur t’i dallojnë njerëzit nga ngjyrat e shpirtit. Nuk kam dashur të flas, duke kërkuar të jem e rezervuar, sepse nuk jam person publik, as VIP, gjë që të sjell pak detyrim me publikun të jetë i informuar. Jam detyruar të mos qëndroj indiferente (me gjithë dëshirën për të qenë) pasi u fol shumë për racizëm. Gjithsesi kaq mund t’ju them, që jemi njohur nga miq të përbashkët”, ka thënë ajo për Bluetooth, transmeton Telegrafi.

Duke komentuar reagimin e familjes së saj, Irid shprehet: “Respektojnë zgjedhjen time dhe nuk u lë shumë hapësirë diskutimi në lidhje me këtë argument. Ngjyra e errët e njeriut nuk është njollë në biografi. Le të hedhim sytë nga të bardhët që nuk shkëlqejnë për mirësi! Bota është e bukur plot ngjyra!”.

“Unë investoj ndjenjat me sinqeritet dhe seriozitet. Jam e bindur që jam e rikompensuar edhe nga ana tjetër me të njëjtën intensitet dashurie”, ka thënë bukuroshja kur është pyetur se a është lidhja e tyre serioze dhe se a mendojnë për martesë.