Bekim Koxha nga Nisma, flet për synimet e tij nëse do t’i besohet vota për t’u bërë deputet

Kandidati për deputet i Nismës, Bekim Koxha, ka folur për synimet e tij në rrugën për Kuvendin e Kosovës.

Koxha ka thënë se ka zgjedhur Nismën për të garuar në këto zgjedhje, pasi beson se është partia e vetme e cila përfaqëson veteranët e UÇK-së.

Pse keni vendosur të hyni në garë në zgjedhjet e 14 shkurtit dhe pse me Nisma Socialdemokrate?

Koxha: Nuk ishte dëshirë por ishte domosdoshmëri e momentit ti bashkohem listës së kandidatëve duke e vlerësuar gjendjen aktuale në vendin tonë.

Ndërsa në listën e Nismës vendosa të participoj nga që vlerësoj se është partia e vetme e cila përfaqëson veteranët e Ushtrisë Çlirimtare dhe është subjekti i vetëm që do të mundësitë ti zgjidhte shumë halle të qytetarëve ndër to edhe të zhdukurit në luftë, statusin e familjeve të dëshmorëve, statusin e invalidëve dhe çlirimtarëve.

Cilat janë synimet tuaja, nëse zgjedheni deputet, për çka mendoni se duhet ta ngrisni zërin më shumë në Kuvendin e Kosovës?

Koxha: Unë fillimisht do të angazhohesha që të ngritët padi ndaj shtetit serb për gjenocidin që ushtroi në civilët e pambrojtur, gjithashtu do angazhohesha për ti gjetur të zhdukurit e luftës. Do të ngija zërin edhe për Ambasadën e Kosovës në Izrael e që vlerësoj se kjo ambasadë duhet të vendoset ne Tel Aviv e jo në Jerusalem.

Në cilën nga këto tema që i përmendët mendoni se duhet të ketë intervenim të menjëhershëm, cila është pjesa e shoqërisë që është në gjendjen më të keqe e që ka nevojë për dorën e shtetit tash?

Koxha: Mendoj se intervenim i menjëhershëm do të duhet të bëhet në politikën e jashtme duke treguar se ne ishim viktima e jo agresori se tani më një pjesë mjaft e madhe e shteteve mendon se ne ishim agresori, kjo dukuri ndodhi nga politikat e dështuara të ministrisë së punëve të jashtme dhe diplomacia e jonë.

Gjithashtu mendoj se theks të veçantë duhet të merr edhe zhvillimi ekonomik gjithashtu mendoj se duhet shteti të zgjatë dorën në pjesën e bujqësisë dhe blegtorisë duke krijuar kushte të volitshme për këtë kategori.

Si e shihni ju Nismën në këto zgjedhje?

Koxha: Nisma Socialdemokrate dhe lideri i sajë Fatmir Lima ka program të qartë politik të sqarohen një herë e mirë kontekstet me fqinjët dhe të marrin fund vuajtjet e qytetarëve tanë, të ndalet më loti i nënave tona që nuk i dinë ku i kanë fëmijët e tyre, të kujdesen maksimalisht për veteranët.

Gjithashtu të krijohen perspektiva për të rinjtë  tanë që çdo ditë e më tepër po ikin nga vendi nga që nuk gjejnë një zgjidhje afatgjate për jetët e tyre.

Besoj se Nisma do të rreshtohet subjekti i 4 dhe sipas anketave të realizuara do të kemi 7 ulëse në parlament, e që do të jetë një numër i mjaftueshëm për ta mbajtur bilancin e qeverisë dhe opozitës, dhe u premtoj qytetarëve që do të jemi shumë konstruktiv dhe të ndërgjegjshëm.

Mesazhi juaj për qytetarët e Republikës së Kosovës?

Bekim Koxha:Qytetarë të nderuar ua kërkoj mbështetjen e juaj që të jemi aty ku do të krijojmë kushte për fëmijët tanë që lindën dje lindën sot e do të lindin nesër.

Ua kërkojmë mbështetjen e juaj nga që askush nuk mund të ju përfaqësojë juve më mirë se ne që humbëm fëmijët tanë familjet e tona e ende i kemi të gjalla plagët ne shtatin tonë.

Duke votuar numrin 121 dhe numrin rëndor 73 ua garantoj se do ta ruaj me xhelozi dhe përkushtim besimin e juaj.