Shumë më herët, se është thënë më parë

Ka mbetur vetëm edhe një muaj, kur fillon Frankfurt Motor Show, aktiviteti ku prodhuesi gjerman do të prezantohet me dy modele të fuqishme, transmeton Telegrafi.

Në mesin e tyre, është thënë se do të jetë edhe Taycan, që është vetura e parë tërësisht elektrike nga Porsche. Mirëpo, para se kjo të ndodhë, modeli do të prezantohet nëpërmjet internetit më katër shtator.

Ndjekësit e Taycan forum, kanë bërë të ditur, se kjo Porsche do të shfaqet në të njëjtën kohë në Berlin, Kinë dhe Kanada. Mark Webber do të jetë në timonin e kësaj makine dhe ta vë në lëvizje, në mënyrë që të shihen shkathtësitë që ka.

Arsyeja pse nuk po prezantohet në Frankfurt Motor Show, besohet të jetë për shkak se është shumë e rëndësishme dhe Porsche nuk dëshiron të jetë jashtë qendrës së vëmendjes.

Ishte thënë se çmimi i Porche Taycan do të fillojë nga 71 mijë euro, që është më lirë se 922 911 Carrera, mirëpo mund të ketë çmim edhe më të mirë. /Telegrafi/