Bëhen të ditur emrat e kandidatëve të Antikorrupsionit në RMV

Revizorët Tatjana Dimitrovska, Cveta Ristovska dhe Zoran Bogoevski, Biljana Karakashova Shulev dhe Besnik Xhemaili janë punësuar në KSHPK, gjyqtarja Sofia Spasova Medarska dhe Servet Demiri nga auditimi i ndihmës së para-anëtarësimit për BE-në janë propozuar si anëtarë të rinj për Komisionin Shtetëror për Parandalimin e Korrupsionit (KSHPK), përcjell Telegrafi Maqedoni.

Lexo po ashtu Ivanovska: Më shqetëson fakti që shumë persona eksponentë politikë duan të jenë anëtarë të Komisionit për Antikorrupsion

Pas një interviste treditore që ishte publike, Komisioni i Përzgjedhjes dhe Emërimeve publikoi në mesnatë listën e renditjes me pikë dhe kjo listë duhet të votohet në seancë plenare.

Nëse votohet për këto kandidatë, atëherë në pesë vitet e ardhshme kryetare e Komisionit Shtetëror për Parandalimin e Korrupsionit do të jetë Tatjana Dimitrovska, e cila ka punuar 19 vjet në Entin Shtetëror për Revizion, ndërsa dy vitet e fundit është asistente e kryeauditorit.

Ajo ka kryer auditim ndaj parive politike, Agjencisë Kundër Korrupsionit, Agjencisë për Shërbime Mediatike Audio dhe Audiovizuele dhe Komisionit Shtetëror të Zgjedhjeve.

Gjyqtarja Sofia Spasova Medarska është bashkëshortja e Filip Medarskit, avokatit të Zoran Zaevit që mbrojti ish-kryeministrin në rastin “Ryshfeti”.

Për anëtarë të Komisionit për Antikorrupsion janë paraqitur 41 kandidatë, ndër ta shumica auditorë dhe punonjës të KSHPK-së, por edhe ekspertë të institucioneve shtetërore dhe publike, gjyqtarë dhe prokurorë./Telegrafi/