Befason Bill Gates: Nuk e meritoj gjithë këtë pasuri

Biznesmeni, investitori, autori dhe filantropi Bill Gates, që llogaritet si njeriu i dytë më i pasur në botë, vlera e pasurisë e të cilit llogaritet rreth 96 miliardë dollarë, ka befasuar me një deklaratë të tij.

Sipas mediave të huaja, përcjell Telegrafi, kjo pasi që Bill Gates ka deklaruar se kishte paguar shumë pak taksa dhe se nuk e meritonte të ishte aq i pasur.

Siç thuhet tutje, 63-vjeçari, ka thënë se baronët e tjerë të biznesit duhet të kontribuojnë më shumë, gjithashtu.

Në një intervistë me DailyMail, ai ka thënë: “Kam paguar më shumë se 10 miliardë dollarë për taksat por unë duhet të paguaj më shumë”.

Babai i tre fëmijëve krijoi pasurinë e tij sidomos pas themelimit të Microsoft, në vitin 1975. Tani ajo është një nga kompanitë më të vlefshme në botë.

Lexo po ashtu Ora 10 dollarëshe që mban në dorë, përkujdesja për pemën e preferuar, veturat luksoze,...: Ja si i shpenzon paratë Bill Gates

Z. Gates, i cili u tërhoq nga roli i tij i përditshëm në vitin 2008, është një nga një numër i vogël miliarderësh, të cilët kanë premtuar të lënë shumicën e pasurisë së tyre për “qëllime të mira” se sa për fëmijët e tyre.

Me gruan e tij 54-vjeçare, ai drejton Fondacionin Bill & Melinda Gates, i cili është i përkushtuar për të luftuar varfërinë dhe sëmundjet në vendet e varfëra.

“Unë nuk e meritoj pasurinë time”, shtoi Gates. “Askush nuk e meriton. Ka ardhur përmes kohës, fatit dhe nëpërmjet njerëzve me të cilët punova. Unë me siguri punova shumë dhe mendoj se softueri ka qenë një gjë e dobishme, por kam përfituar nga një strukturë gjithashtu”.

“Unë nuk mendoj se dhënia e parave për fëmijët e mi do të ishte një gjë e mirë për ta apo e mirë për shoqërinë”.

Lexo po ashtu Me jashtëqitje në duar, Bill Gates mbështet “revolucionin e tualetit” – prezanton tualetin e së ardhmes (Foto/Video)

Komentet e tij erdhën pasi ai dhe gruaja e tij bënë publikimin e letrës së tyre vjetore, ku paraqitën shqetësimet e tyre kryesore rreth botës.

Ata theksuan se si nacionalizmi po rrezikon bashkëpunimin global në çështjet e rëndësishme shëndetësore.

Çifti u nxitën së pari në filantropinë pasi lexoi në një gazetë rreth qindra mijëra fëmijëve që vdisnin nga diarre në pjesë të varfra të botës.

Që atëherë, skemat globale të shëndetit – me ndihmën e qeverive dhe bamirësisë, si dhe fondacionet e tyre – kanë ndihmuar në shpëtimin e miliona jetëve që përndryshe do të kishin vdekur shkaku i sëmundjeve të tilla si HIV, tuberkulozi dhe malaria. /Telegrafi/