Bayern Munich ka një ‘armë sekrete’ për emërimin e Xabi Alonsos gjë që mund të shqetësojë Liverpoolin

Bayern Munich mund të ketë një ‘armë sekrete’ e cila do t’i ndihmojë ata të mposhtin Liverpoolin në garën për të siguruar shërbimet e Xabi Alonsos për sezonin e ardhshëm.

Teksa po i afrohemi muajve të fundit të sezonit 2023/2024, është e sigurtë se Alonso do t’i dominojë titujt e gazetave në një të ardhme të afërt.

Kjo për shkak se ekipi i tij Bayer Leverkusen është në rrugën e duhur për të fituar Bundesligën, gjithashtu edhe për faktin se tekniku spanjoll është lidhur për një kalim tek njëra prej Bayern ose Liverpool.

Sipas asaj që raporton Caught Offside, gazetari gjerman Christian Falk ka pretenduar se Bayerni ka një armë sekrete për të joshur Alonson që ta pranojë ofertën e tyre.

Bayern's trump card could leave Liverpool sweating over Alonso future https://t.co/uWScqFgW66

— Christian Falk (@cfbayern) February 23, 2024

“Nuk e është një sekret se Xabi Alonso është kandidati kryesor për të pasuar në stol Jurgen Klopp, por Bayerni gjithashtu tani ka Alonson si prioritet kryesor në listën e tyre të dëshirave”, ka thënë Falk.

“Fakti që Tuchel është lejuar që të drejtojë ekipin deri në verë ka të bëjë gjithashtu me faktin se Bayerni po pret Alonson”.

Lexo po ashtu Xabi Alonso ka vendosur se cilën skuadër dëshiron ta drejtojë sezonin e ardhshëm

“Drejtuesit e Bayernit kanë vetëbesim sepse deri tani ata kanë marrë çdo trajner që kanë dashur, madje edhe Pep Guardiolën”, është shprehur Falk.

“Ata kanë një avantazh për shkak të ish-shefit Karl-Heinz Rummenigge, sepse ai gjithmonë ka mbajtur kontakte me Alonson dhe llogaritet si një njeri i besuar i Alonsos”, përfundoi ai./Telegrafi/