LAJMI I FUNDIT:

Bau Market hap pikën e re në qytetin e Prizrenit dhe i krijon 50 vende të reja të punës

Bau Market hap pikën e re në qytetin e Prizrenit dhe i krijon 50 vende të reja të punës

“Bau Holding LLC”, e cila është pronare e Bau Market, Bau Mineral dhe Bau Block, sot ka hapur pikën e re të Bau Market në qytetin e Prizrenit.

Në motin me diell dhe në prani të familjarëve, miqve, partnerëve afaristë dhe stafit, sot është përuruar kjo pikë, e cila është edhe pika e parë e Bau Market në Prizren.

Në ceremoninë e hapjes dhe prerjes së shirit, kanë marrë pjesë kryetari i komunës së Prizrenit, Mytahir Haskuska, kryetarja e Odës Ekonomike Gjermane, Nora Hasani dhe pronari i kompanisë, Bajram Gashani.

Haskuka ka mirëpritur hapjen e kësaj pike dhe e ka uruar Bau Market-in për investimin modern, i cili është kryer në afat rekord. Veç tjerash, ai ka treguar se do t’i përkrahin të gjitha bizneset të cilat hapen në qytetin e Prizrenit me qëllim të krijimit të vendeve të reja të punës.

Edhe Nora Hasani është shprehur e lumtur që në këtë kohë të pandemisë po përcillet një mesazh pozitiv – pasi që Bau Market me hapjen e pikës së re gjithashtu po i hapë 50 vende të reja të punës, nga të cilat përfitojnë 50 familje të Prizrenit.

Hasani po ashtu ka treguar se Bau Market po kontribuon edhe në intensifikimin e bashkëpunimit gjermano-kosovar sepse marketi përmban shumë produkte të brendeve gjermane.

Në anën tjetër, pronari i kompanisë “Bau Holding LLC” ka falënderuar stafin për punën e bërë.

Vlen të ceket se kjo pikë e Bau Market në Prizren ka një hapësirë prej 5,000 metrave katrorë dhe ka një investim prej 2 milionë eurove, ku edhe janë të punësuar gjithsej 50 punëtorë!


Artikull i sponzorizuar