LAJMI I FUNDIT:

Basri Ibrahimi, kryeshef i ri i Trepçës

Basri Ibrahimi, kryeshef i ri i Trepçës
-->

Bordi Mbikëqyrës i Trepçës  ka zgjedhur për Kryeshef Ekzekutiv të  këtij  kombinati Basri Ibrahimi.

Sipas njoftimit, zgjedhja e Kryeshefit Ekzekutiv është bërë në bazë të legjislacionit në fuqi nga Bordi Mbikëqyrës i Trepçës përmes një procesi të hapur dhe transparent të konkurimit pas përfundimit të procesit të seleksionimit dhe intervistimit.

Ndërsa për pozitën e Sekretarit Korporativ të Trepça sh.a. Bordi Mbikëqyrës ka zgjedhur Afrim Haxhiun.

“Të dy kandidatët morën besimin e plotë të gjithë anëtarëve të Bordit Mbikëqyrës. Bordi Mbikëqyrës i Trepça sh.a. falënderon të gjithë kandidatët e interesuar për pozitën e Kryeshefit Ekzekutiv të Trepça sh.a. dhe Sekretarit Korporativ. Ky proces, përsëri e solli në vëmendje rëndësinë që ka Trepça për qytetarët e Kosovës, gjë që u dëshmua me konkurencën profesionale që ka pasur në këto dy konkurse”, thuhet në njoftimin për media. /Telegrafi/