Bashkëpunimi i Taynas me Don Phenom “Columbiana” shfaqet në serialin e Netflix

Reperja e njohur shqiptare që tashmë ka bërë emër në tregun e muzikës vendore debutoi vite më parë me këngën “Columbiana” që e solli në bashkëpunim me reperin Don Phenom.

Ndonëse u publikua për herë të parë në vitin 2018, kënga po vazhdon të dëgjohet, madje e njëjta ka depërtuar edhe në tregun ndërkombëtar.

Kështu ka bërë të ditur vet Tayna, e cila përmes një storie të publikuar në llogarinë e Instagramit, ka njoftuar se “Columbiana” është shfaqur në një sekuencë të një seriali të Netflix.

Projekti hit i dyshes së artistëve shqiptarë u shfaq në një pjesë të “Suburra: Blood on Rome”, i cili është një serial televiziv dramë kriminalistik italiane me bazë në Romë.

Lexo po ashtu Të gjitha lajmet nga Tayna

Seriali u shfaq për herë të parë në vitin 2017 ndërsa vazhdoi deri në vitin 2020, në rolet kryesore janë emra e njohur Alessandro Borghi, Giacomo Ferrara dhe Klaudia Gerini.

“Columbiana” në serialin e Netflixit”, ka shkruar Tayna në mbishkrimin e postimit, sipër të cilit etiketoi edhe bashkëpunëtorin e saj Don Phenom.

Ndryshe, Tayna aktualisht po shijon suksesin e këngës më të re “Xhelozia” që solli pak ditë më parë. /Telegrafi/