Barku i është bërë sa një top plazhi, e sëmundja po i merr jetën 9-vjeçarit (Foto/Video,+18)

Pamjet dramatike tregojnë gjendjen e një djaloshi nëntë vjeçar pakistanez, barku i të cilit është rritur me përmasën e një topi plazhi.

Siç shkruajnë mediat e huaja, përcjell Telegrafi, bëhet fjalë për Shah Gul Mazari, nga një fshat i largët në jug të vendit, i cili vuan nga sëmundja e Hirschsprung – grumbullim i jashtëqitjeve brenda në bark.

Kjo ka bërë që stomaku i tij të rritet shpejt në një normë abnormale dhe e ka bërë të vështirë që prindërit e tij të gjejnë rroba që mund t’i përshtaten atij.

Ai gjithashtu nuk shkon në shkollë, pasi babai i tij, Niaz Mazari dhe nëna, Mian Zohran, kanë frikë se ai do të ngacmohet vazhdimisht nga studentët e tjerë për gjendjen e tij.

Dhe më e keqja është që ai, nëse nuk bën një intervenim kirurgjik ka vetëm një shans 20 për qind të mbijetesës.

Por babai i tij, i cili fiton më pak se 4 dollarë në ditë, thotë se familja nuk mund të përballojnë trajtimin mjekësor të djalit të tyre.

Shah, i cili është fëmija i tretë, kishte një pamje normale kur kishte lindur. Megjithatë, jeta e tij ndryshoi kur filloi të rritej, kur barku i tij filloi të rritej. Ai kishte qarë pa ndërprerë dhe nuk mund të pinte qumësht siç duhet.

Sipas familjes së tij, ai kishte pasur një operacion, por kjo nuk i kishte ndihmuar.

“Ne e çuam atë tek mjekët lokalë, të cilët e diagnostikuan atë me disa sëmundje dhe vepruan tek ai për të hequr një pjesë të zorrës së trashë”, ka thënë babai i pesë fëmijëve.

“Por pas disa javëve të operacionit, djali im filloi të ndiejë dhimbje përsëri dhe brenda disa muajve, barku i tij filloi të fryhej përsëri”.

Në sëmundjen e Hirschsprung – që prek një në çdo 5.000 foshnje – nervat që kontrollojnë lëvizjen e jashtëqitjeve mungojnë nga një seksion në fund të zorrëve, që do të thotë se jashtëqitja mund të “mblidhet” dhe të formojë një bllokim.

Gjendja është e lindur dhe zakonisht shkakton simptoma të dukshme nga lindja, ndonëse ndonjëherë nuk është e dukshme derisa fëmija të fillojë të rritet. /Telegrafi/