Barcelona i vendos çmimin përfundimtar Ansu Fatit

Ansu Fati po kalon një periudhë me ulje e ngritje në elitën e futbollit anglez si i huazuar nga Barcelona te Brighton.

Sulmuesi spanjoll po tenton të rigjejë formën më të mirë, edhe pse ende i duhet kohë që të kthehet në atë që ishte disa vite më parë, por katalunasit nuk do ta rikthejnë atë në Spanjë.

Gjigati katalunas Barcelona ka vendosur një çmim prej 30 milionë euro për Ansu Fati, sipas asaj që ka njoftuar mediumi spanjoll Diario Sport .

Lexo po ashtu Barcelona e së ardhmes - nga Gavi te Pedri dhe Yamal, Araujo më i ‘vjetri’

Fati ka humbur pjesën më të mirë të tre muajve të fundit për shkak të një dëmtimi të kërdhokullës që pësoi kur luante për Brighton në Premier League vitin e kaluar.

Sulmuesi do të preferonte të kthehej dhe të vazhdonte të mbante numrin 10 te Barca, por kjo mund të varet nga sa mirë do të performojë te Brighton në katër muajt e ardhshëm para përfundimit të sezonit.

Barça vendosi të dërgojë Fatin në huazim, sepse ai nuk ishte në planet e trajnerit të Barcelonës, Xavi. Spanjolli mund të mbetet i tepërt ndaj kërkesave nëse vjen një krah i ri i majtë ose nëse Barça mban Joao Felix për një vit më shumë.

Lexo po ashtu Ansu Fati po ‘fluturon’ përsëri – tre gola në pesë ndeshje konfirmojnë se ai po kthehet

Fati nuk ka shkëlqyer me të vërtetë në huazim në Angli nëse diçka nuk ndryshon nga tani deri në fund të sezonit.

Deri më tani ai ka shënuar katër gola në 18 ndeshje dhe nuk duket si lojtari që ishte kur shpërtheu në skenë në 2019. /Telegrafi/