Faqja zyrtare e Barcelonës në Twitter ka thumbuar Juventusin dhe Cristiano Ronaldom me një postim të tyre pas fitores së tyre 2-0 të mërkurën mbrëma.
Katalanasit mposhtën Juventusin në Allianz Stadium të mërkurën, duke betonuar pozitën e parë në grupin e dytë me gjashtë pikë nga dy ndeshje.
Barca përfitoi nga një gol në pjesën e parë nga Ousmane Dembele, goditja e të cilit u devijua nga Leonardo Bonucci, ndërsa goli i dytë u shënua nga Lionel Messi.
Kjo fitore ka bërë që faqja zyrtare e Barcelonës në Twitter ta bëjë një postim thumbues për Juventusin dhe yllin e tyre Ronaldo.
“Jemi të kënaqur që keni qenë në gjendje të shihni më të mirin e të gjitha kohërave në fushën tuaj”, shkruan në postimin e Barcelonës, ku etiketohet Juventusi në një foto të bashkangjitur të Messit.
Ndryshe, ky thumbim vjen si pjesë e një sage thumbimesh nga faqet zyrtare të të dyja klubeve në rrjetet sociale. /Telegrafi/
