Barcelona është e interesuar për mundësinë e transferimit të mesfushorit të Arsenalit, Thomas Partey në rast se bëhet lojtar i lirë në verë, sipas Mundo Deportivo. Deco ka qenë duke monitoruar situatën e reprezentuesit ganez tash e sa kohë dhe beson se ai mund të jetë një opsion i përshtatshëm për blaugranasit. Barcelona po kërkon tash e sa kohë një lojtar i cili do shërbejë si opsion i dytë pas Marc Casados dhe besojnë se Partey mund ta plotësojë mirë këtë rol. Blaugranasit kanë mbetur të detyruar për të vlerësuar mundësinë e blerjes së tij për shkak të pasigurisë që është krijuar për të ardhmen e Frenkie De Jong.
Gjiganti spanjoll me shumë mundësi do të synojë ta shesë De Jongun në verë pasi kanë frikë që ai do t’i shkojë deri në fund kontratës dhe të largohet pastaj falas në 2026.
Partey në ndërkohë ka shënuar dy gola dhe ka dhuruar dy asistime në 25 paraqitje për Arsenalit këtë sezon, teksa mund të luajë gjithashtu edhe si mbrojtës i djathtë. Për të La Liga nuk do të ishte një kampionat i panjohur pasi në të kaluarën ai ka luajtur për Almerian dhe Atletico Madridin./Telegrafi/
