Barcelona nuk heq dorë nga transferimi i yllit gjerman – do tentojë sërish në verë

Barcelona nuk ka qenë në gjendje të nënshkruajë me ndonjë lojtar gjatë afatit kalimtar të janarit, por planet tashmë po bëhen për verën. 

Klubi pret që të jetë i ngarkuar në afatin e transferimeve, kjo pas rikthimit të tyre në rregullin 1:1 të La Ligas më herët këtë muaj.

Drejtori sportiv Deco është personi përgjegjës për biznesin që do të bëjë Barcelona në verë dhe ai aktualisht po bën plane.

Ai është në pajtim me trajnerin Hansi Flick se duhet transferimi i një mbrojtësi të djathtë, por nuk do të jetë befasi nëse ka edhe nënshkrime të tjera në mbrojtje. 

Lexo po ashtu Barcelona synon ta përforcojë mesfushën me transferimin e yllit të Ligës Premier

Gjatë muajve të fundit, Barcelona ka qenë duke punuar mbi një marrëveshje për Jonathan Tah, të cilit do t’i skadojë kontrata me Bayer Leverkusen në fund të sezonit. 

Reprezentuesi gjerman ka një mori ofertash anembanë Evropës, por blaugranasit kanë qenë duke punuar vazhdimisht për një marrëveshje. 

Sidoqoftë, interesimi i tyre për Tah u zbeh në javët e fundit, pas rinovimit të kontratës me Ronald Araujon. 

Megjithatë, reprezentuesi uruguaian ka një klauzolë lirimi e cila mund të aktivizohet në verë dhe kjo nuk e ka përjashtuar plotësisht transferimin e Tah, sipas Relevo. 

Për më shumë, Eric Garcia dhe Andreas Christensen janë lidhur me një largim në verë, i pari tek Girona ndërsa danezi në Ligën Premier, kështu që Tah ka ende mundësi të përfundojë në Kataloni./Telegrafi/