Barcelona ende duhet të paguajë Messin edhe 39 milionë euro pavarësisht transferimit te PSG

Lionel Messi ende ka të drejtë për një bonus të madh besnikërie nga Barcelona pavarësisht largimit nga klubi këtë verë.

Pas fluturimit në Paris për teste mjekësore dhe nënshkrimit të kontratës së tij të martën, Messi u zbulua zyrtarisht si një lojtar i Paris Saint-Germain para mediave botërore të mërkurën.

Ai ka nënshkruar një kontratë dyvjeçare me opsion për një vit të tretë dhe raportohet se do të fitojë plot 35 milionë euro në vit pagë neto.

Lexo po ashtu Paris Saint-Germain i uron ‘mirëseardhje’ Messit me disa fotografi fantastike

Dhe megjithëse ai ka përfunduar 21 vite të shkëlqyera me Barçën, pas refuzimit të La Ligas për të regjistruar kontratën e tij për shkak të vështirësive financiare të klubit, Blaugranat ende i detyrohet 39 milionë euro golashënuesit të tyre më të mirë të të gjitha kohërave.

Sipas gazetës El Mundo, përmes Colin Millars, kontrata e fundit e Messit me Barcelonën përfshiu një bonus prej 72 milionë eurosh për të shënuar kontributet e tij të pashembullta në klub.

Ish-presidenti Josep Maria Bartomeu, me të cilin Messi nuk kishte një marrëdhënie produktive, organizoi që ajo të paguhej në dy këste të ndryshme.

Shuma e parë do të paguhej në qershor të vitit 2020, ndërsa e dyta një vit më vonë që i bie në verën e këtij viti.

Barcelona have to pay Lionel Messi a 'loyalty bonus' of €39million, even though he has left the club. That is according to El Mundo – who released the full details of Messi's contract at the Camp Nou (from January –https://t.co/ytNLoj6qdR)

— Colin Millar (@Millar_Colin) August 11, 2021

Megjithatë, gjendja tronditëse e klubit, e cila përfshin një borxh prej më shumë se 1.1 miliard funtesh dhe pamundësinë për të regjistruar katër nënshkrimet e tyre të reja, do të thoshte se Messi kishte marrë vetëm 8.5 milionë euro deri në shkurt 2021.

Është e qartë se Barca nuk është në gjendje t’i dorëzojë 39 milionë euro Messit, i cili kishte pranuar një ulje të pagës prej 50 për qind në një kontratë të re që ende nuk i plotësonte rregullat financiare të La Ligas.

Lexo po ashtu Kthimi i fanellave të Messit të blera në dy muajt e fundit dhe pasojat për Barcelonën pas largimit të tij

Neymar gjithashtu u gjend në të njëjtën situatë kur u largua për në PSG në vitin 2017.

Ai pretendoi se nuk mori një bonus të madh besnikërie që ishte pjesë e marrëveshjes së tij në Camp Nou dhe çështja përfundoi duke shkuar në gjykatë para se të arrihej një marrëveshje.

Duke pasur parasysh dashurinë e tij për Barcelonën dhe dëshirën e tij për t’u kthyer në një kapacitet tjetër, nuk ka gjasa që Messi të ndjekë të njëjtën rrugë. /Telegrafi/