Banorët e Gazi Babës protestojnë, kërkojnë referendum për Qendrën e të varurve nga droga

Banorët e komunës së Gazi Babës në protestën e sotme në lagjen Maxhari ku duhet të vendoset Qendra e të varurve nga droga, ju bënë porosi autoriteteve se këtë vendim nuk mund ta zbatojnë pa u dëgjuar zëri i qytetarëve.

Të ketë referendum dhe më pastaj të zbatohet vendimi është njëra nga kërkesës s nismës qytetare “Ndal hapjen e Qendrës për të varurit”, që e drejtuan deri te ministri i Shëndetësisë, Venko Filipçe dhe kryetari i komunës së Gazi Babës, Borçe Gerogievski, përcjell Telegrafi Maqedoni.

“Të gjithë jemi shqetësuar pas vendimit që e morën nga mediat se kryetari Gerigoevski, e ka pranuar kërkesën e ministrin Filipçe, që Qendra e të varurve nga druga të bartet në lagjen Maxhari. Ne si qytetarë s’kemi asgjë kundër hapjes të një qendre të tillë, por kërkojmë që të hapet në lokacion të duhur”, thonë nga kjo nismë qytetare.

Lexo po ashtu Qendra e të varurve nga droga do të shpërngulet në Gazi Babë

Ata kërkojnë nga kreu i komunës së Gazi Babës të tërheqë kërkesën për rivendosjes së Qendrës nga Kisella Voda në Maxhar. “Kërkesat tona i vërtetojmë përmes peticionit qytetar që e dorëzuan deri tek autoritetet lokale dhe të gjithë institucioneve kompetente që mendojmë se janë të përfshira në problem”, thonë nga kjo nismë duke shtuar se kërkesat janë që të dëgjohet zëri i qytetarëve dhe të organizohet referendum dhe më pastaj të merret vendim.

Organizatorët thonë se kjo protestë paralajmëruese the se zërin e tyre do ta ngrisin në protesta më masovike dhe më të shpeshta në qoftë se nuk marrin përgjigje pozitive të kërkesave të tyre./Telegrafi/