Babai vrau nënën e saj, pastaj veten – momenti kur policia nxjerr vogëlushen nga shtëpia

Një vajzë dy vjeçare e veshur vetëm me pelenë u gjet e gjallë brenda shtëpisë së familjes së saj në Los Angeles, ku policia zbuloi kufomat e një burri dhe një gruaje pas një vrasje që dukej si vetëvrasje.

Sipas mediave të huaja, përcjell Telegrafi, policia duke iu përgjigjur raporteve të të shtënave me armë rreth orës 7 pasdite të hënën, hyri në një shtëpi në bllokun 11200 të rrugës Covello në pjesën Sun Valley të Los Angeles dhe gjeti një grua 39-vjeçare të vdekur nga plagët e shumta me armë zjarri.

Ndërsa një burrë në vitet ’60 të tij, që besohet të ishte burri i viktimës femër, pësoi një plagë të vetme me armë zjarri.

Detektivët thonë se dukej sikur burri qëlloi dhe vrau gruan e tij para se të vriste veten.

Ndërsa vajza dy-vjeçare e çiftit u zbulua nga oficerët që iu përgjigjën, e palënduar në një dhomë gjumi.

Një nga oficerët me uniformë në vendngjarje është parë në video duke mbajtur fëmijën jashtë rezidencës dhe duke e ngushëlluar. Ajo u dërgua më vonë në një komisariat. /Telegrafi/