Avokatja e Shakiras, Pilar Mane ka besim se këngëtarja dhe Pique mund të arrijnë një marrëveshje në lidhje me fëmijët e tyre

Nuk kanë munguar spekulimet se çfarë do të ndodhë me fëmijët e Shakiras dhe Gerard Piques pasi çifti njoftuan se i dhanë fund marrëdhënies së tyre 12-vjeçare.

Këngëtarja thuhet se dëshiron t’i sjellë fëmijët në Miami, ndërkohë që mbrojtësi i Barcelonës nuk qëndron në të njëjtin drejtim.

Avokatja e Shakiras, Pilar Mane, mbetet me shpresë se dyshja mund të arrijnë një mirëkuptim për hir të Milanit dhe Sashas.

“Ne të gjithë shpresojmë kështu”, tha ajo në një deklaratë për Europa Press.

Deklarata e saj sugjeron se nuk është arritur asnjë marrëveshje mes dy të famshmëve dhe se negociatat kanë rezultuar të jenë të ndërlikuara.

Kur u pyet nëse ka mundësi që artistja t’i sjellë fëmijët me vete në Miami, Mane tha: “Nëse ka ndonjë gjë, ata do ta dinë në fund”.

Agjencia e lajmeve raporton se ylli i muzikës pop ka mbajtur disa takime me avokaten e saj për të diskutuar një strategji në lidhje me kujdestarinë e fëmijëve.

Pilar Mane zgjodhi të mos spekulojë se kur Shakira dhe Pique do ta zgjidhin këtë çështje.

Lexo po ashtu Gerard Pique ndërpret lidhjen e re dhe kërkon të bëjë paqe me Shakiran

“Epo, nuk e di sepse nuk më lejojnë të hyj”, tha ajo.

Sipas emisionit “Chisme No Like” në YouTube, Shakira i ka bërë një ofertë milionë dollarëshe Piques për të sjellë fëmijët me vete në Miami.

Ajo gjithashtu ofroi të paguante mbështetjen e plotë të fëmijëve për të dy, si dhe pesë udhëtime të klasit të parë në vit, në mënyrë që Pique të mund të shihte fëmijët e tij në Miami.

Përveç kësaj, si Milani ashtu edhe Sasha do të lejohen të shkojnë në pushime me Piquen gjatë verës. /Telegrafi/