Avokati Sopjani për përleshjen e policëve me Lushtakun: Sulmi ishte i paramenduar

Avokati – Shkëlzen Sopjani, ka thënë se sulmi ndaj policëve të Kosovës në rastin e përleshjes së tyre me Nuredin Lushtakun, ka qenë i paramenduar.

Pas raportimit të përleshjes së dy policëve me ish-nënkryetarin e komunës së Skenderajt, Nuredin Lushtaku, avokati Shkëlzen Sopjani, ka deklaruar se i njëjti sulm ishte i paramenduar.

I ftuar në emisionin “Debat Plus”, lidhur me rastin, Sopjani ka theksuar se nuk ka qenë asgjë e rastësishme.

“Kjo çka ka ndodhur mbrëmë, është diçka që nuk përshkruhet se sa e ulët është. Nuk ka asgjë të rastësishme. Ky ka qenë sulm i paramenduar. Njerëzit kanë shkuar me armë të armatosur që të konfrentohen me policinë”, është shprehur Sopjani.

Lexo po ashtu Lushtaku: Rrethanat e këtij rasti i konsideroj të montuara kundër meje dhe familjes time

Selimi: Ajo çfarë ka ndodhur në Skenderaj është e papranueshme

Në anën tjetër, ngjarjen e ndodhur në Skenderaj të shtunën e dy korrikut, ish-ministri i Drejtësisë, Selim Selimi e ka quajtur të papranueshme.

Sipas tij, policia gjithmonë ka të drejtë.

Lexo po ashtu A po frikësohen policët nga të “fortët”, përplasen Ylli Hoxha me ish-kryeshefin i IPK-së

Kjo sepse siç thotë Selimi, policët janë të trajnuar me standarde të larta, dhe në momentin që polici shkel ndonjë rregull, atëherë ai ka potencuar se ka mekanizma të mjaftueshëm për ta ndjekur atë.

“Ajo çfarë ka ndodhur në Skenderaj është e papranueshme, sepse askush nuk mundet të shkojë në atë mënyrë dhe të ballafaqohet me policinë. Polici gjithmonë ka të drejtë. Këtë po e them si një qytetar i një shteti ku polici trajnohet me standarded më të larta, andaj fjala e parë e policit gjithmonë duhet të jetë fjala që duhet të dëgjohet e pastaj në momentin kur polici e shkel ndonjë rregull, ka mekanizma të mjaftueshëm për ta ndjekur atë”, ka thënë ai.