Autoritetet ukrainase në ‘luftë’ edhe me korrupsionin, policia bastis shtëpinë e njeriut më të pasur në Ukrainë

Ukraina ka nisur një valë të re të bastisjesh së pronave të figurave të profilit të lartë të vendit, ku kësaj radhe në qendër të aksionit ishte edhe personi më i pasur i vendit, Ihor Kolomoisky. Shtëpia e ish-ministrit të brendshëm, Arsen Avakov gjithashtu u kontrollua, raporton bbc.

Ukraina ka nisur një aksion kundër korrupsionit gjersa zyrtarët thanë se disa drejtues të shërbimit doganor janë shkarkuar, transmeton Telegrafi.

Kolomoisky është një nga individët më të njohur të Ukrainës ndërsa ueb-faqet ukrainase publikuan fotografi të detektivëve që kontrollonin shtëpinë e tij në qytetin juglindor të Dnipros, ndërsa ai vetëm shikonte.

Manjati mori rolin e guvernatorit të rajonit të Dnipropetrovsk në vitin 2014 dhe luajti një rol kyç në financimin e batalioneve vullnetare në përgjigje të pushtimit fillestar të Rusisë në Ukrainën lindore.

Megjithatë, SHBA-ja e vendosi në listën e sanksioneve për korrupsion gjatë kohës sa ishte guvernator.

⚡️Ukrainska Pravda: Law enforcement raids house of powerful oligarch Kolomoisky.

The Dnipro-based oligarch, who was present at the raid, is allegedly accused of evading customs payments in “enormous amounts” and embezzling oil products worth $1 million. pic.twitter.com/sJotXdphNR

— The Kyiv Independent (@KyivIndependent) February 1, 2023

Kolomoisky është i përfshirë edhe në fushën e mediave, naftës dhe bankave. Në një deklaratë që nuk e përmendte manjatin, byroja e sigurisë ekonomike tha se kishte hasur në skema të evazionit fiskal në vlerë të 40 miliardë dollarëve.

Në një bastisje të veçantë, ish-ministri i Brendshëm, Arsen Avakov, tha për mediat ukrainase se shtëpia e tij ishte kontrolluar si pjesë e një hetimi për blerjen e helikopterëve Airbus, gjashtë vjet më parë.

Ndërkohë, kreu i partisë së presidentit ukrainas, Volodymyr Zelensky në parlament tha se Ukraina do të ndryshojë gjatë luftës.

“Nëse dikush nuk është gati për ndryshim, atëherë vetë shteti do të vijë dhe do t’i ndihmojë ata të ndryshojnë”, tha David Arakhamia.

Dhjetë figura kryesore ukrainase dhanë dorëheqjen javën e kaluar, si pjesë e spastrimit, duke përfshirë zëvendës shefin e zyrës së Zelenskyt, Kyrylo Tymoshenko. /Telegrafi/