Atë që po e ëndërrojnë të gjithë të ndodhë në Arabinë Saudite – promovuesi më i madh i boksit zbulon detajet

Eddie Hearn ka konfirmuar se Anthony Joshua ende mund të përballet me Deontay Wilder në Arabinë Saudite këtë vit, edhe nëse Tyson Fury – Oleksandr Usyk nuk realizohet.

AJ luftoi për herë të parë në tetë muaj, pasi mundi Jermaine Franklin me vendim unanim në prill.

Fury dhe Usyk ishin në bisedime për një luftë që do të kurorëzonte kampionin e parë të padiskutueshëm të peshave të rënda në dy dekada, por ata nuk arritën të bien dakord për kushtet financiare.

Hearn zbuloi më parë një kartë epike që i ishte propozuar në Lindjen e Mesme dhe tani ka këmbëngulur se organizatorët janë seriozë për organizimin e të dy luftimeve në të njëjtën natë.

“Situata është se Arabia Saudite do të donte të realizonte duelin Fury kundër Usyk dhe AJ kundër Wilder që janë në të njëjtën natë”, deklaroi ai për The Fight Is Right.

“Unë isha atje dy javë më parë dhe ata janë serioz. Unë kam organizuar dy meçe të mëdha me ta më parë. E di që ata e realizojnë atë që e thonë”.

Lexo po ashtu Pritjes i vjen fundi, Joshua konfirmon përballjen me Wilder

“Siç e kuptoj unë, ata kanë bërë negociatat e tyre me Deontay Wilder, të cilat kanë shkuar shumë mirë”.

“Ata kanë folur me Usyk për një vit, sepse padyshim që ai boksoi me AJ-në atje. Ata e dinë numrin që duam, bazuar në atë që kemi marrë për luftën e Andy Ruiz dhe luftën ndaj Usyk në Arabinë Saudite”.

“Fury është një histori krejt tjetër, por jo biznesi im. Gjithçka për të cilën jam i shqetësuar është të bëj marrëveshjen për AJ kundër Wilder”.

“Nëse ata nuk mund t’i kalojnë Usyk dhe Fury, ata do të vazhdojnë të realizojnë  duelin e AJ-t kundër Wilder. Megjithatë, ata duan këtë kuartet të madh”, ka shtuar më tej Hearn. /Telegrafi/