Çështja e Asociacionit të komunave me shumicë serbe dhe qëndrimi i kryeministrit të Kosovës, Albin Kurti përkitazi me këtë çështje ka ngjallur edhe reagimin e analistëve në Bosnjë dhe Hercegovinë.
Analisti nga BeH, Jasmin Mujanoviq ka thënë se është e rëndësishme për gjithë Ballkanin Perëndimor që t’i rezistohet me sukses presionit për krijimin e Asociacionit të komunave me shumicë serbe sepse do të përcaktohet forma e politikës së rajonit për dekadat që vijnë, raporton Telegrafi.
“Pse ka rëndësi për të gjithë Ballkanin Perëndimor që Kosova t’i rezistojë me sukses fushatës së vazhdueshme të presionit nga Serbia, Shtetet e Bashkuara të Amerikës dhe Bashkimi Evropian që të krijojë një ‘Asociacion të komunave me shumicë serbe’? Sepse është një luftë për të përcaktuar formën e politikës së rajonit për dekadat e ardhshme…”, ka shkruar analisti boshnjak në Twitter.
Ai më tej shkruan se në këtë drejtim, fushata e bullizimit kundër Kosovës është e pandërgjegjshme, e turpshme dhe shkatërruese.
“Kurti ka të drejtë – Kosova duhet të rezistojë”, shkruan ai më tej, duke shtuar se Kurti po insiston për një kornizë që bazohet në të drejtat në Kosovë.
“Kjo është e vetmja mënyrë për të ecur para për një të ardhme euroatlantike për këtë rajon. Nuk ka më ndarje, jo më entitete dhe kantone…”, shkruan Mujanoviq.
Why does it matter for the whole of the W. Balkans that 🇽🇰 successfully resists the ongoing pressure campaign by 🇷🇸, 🇺🇸, & 🇪🇺 for it to create an “Association of Serbian Municipalities”? Bc it is a struggle to determine the shape of the region’s politics for decades to come.🧵
— Jasmin Mujanović (@JasminMuj) February 2, 2023
Sipas tij, Kurti ka kërkuar që çdo zgjidhje në Kosovë të respektojë standardet demokratike dhe politike të SHBA-së dhe BE-së. “Dhe ai ka të drejtë. Askush në Perëndim nuk do të toleronte të jetonte nën një regjim të stilit të Dejtonit. As Kosova nuk duhet, as boshnjakët nuk do të duhej…”, tha ai.
Sipas tij, kjo do të inkurajonte ekstremistët në gjithë rajonin.
Analisti boshnjak më tej thekson se nëse kampi pro Asociacionit të komunave me shumicë serbe fiton kjo do të nënkuptojë “Dejtonizimin” e Kosovës dhe do të nxisë thirrjet për ndarje të mëtejshme në të gjithë rajonin.
Ndryshe, eksperti amerikan për Ballkanin, Daniel Serwer në një koment në Twitter pas takimit të këshilltarit amerikan Derek Chollet me ministrin e Jashtëm të Serbisë, Ivica Daçiqin ka thënë se vetë-mashtrimi nuk është një politikë e jashtme e mirë.
“Vetë-mashtrimi nuk është një politikë e jashtme e mirë”, shkruan Serwer në Twitter, ku këshilltari Chollet kishte publikuar edhe fotografi me Daçiqin. /Telegrafi/
Info: Nënshkrimi i Marrëveshjes së Paqes për Bosnjë dhe Hercegovinë, njihet si Marrëveshja e Dejtonit. Marrëveshja u nënshkrua në bazën ushtarake amerikane “Wright Peterson” në Ohajo, më 21 nëntor 1995. Një nga parimet kryesore të kësaj marrëveshjeje, ishte në ndarjen e BeH në 51 për qind në territorin e Federatës së BeH-së dhe 49 për qind në Republikën Serbe.
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë