Arsenali përshpejton negociatat për transferimin e yllit të Ligës Premier në janar

Arsenali raportohet se është përgatitur që të përshpejtojë negociatat për transferimin e sulmuesit të Ligës Premier gjatë afatit kalimtar të janarit.

Teksa ka kaluar gjysma e sezonit të Ligës Premier, klubet tani janë në gjendje që të përforcojnë skuadrat e tyre me blerje të reja, pasi afati kalimtar i janarit u hap gjatë kësaj jave.

Përkundër rikthimit në formë së fundmi të sulmuesit Gabriel Jesus, ‘Topçinjtë’ janë lidhur tashmë me disa lojtarë të talentuar për ta përmirësuar vijën e sulmit.

Dhe tani, Mikel Arteta raportohet se ka dhënë dritën e gjelbër për klubin që të përshpejtojnë negociatat për transferimin e Matheus Cunha, në atë që mund të jetë blerja më e mirë e afatit kalimtar.

Lexo po ashtu Tre lojtarë të Arsenalit janë të lirë të flasin me klube tjera në janar

25-vjeçari ka shijuar një fillim të jashtëzakonshëm të sezonit, duke shënuar 10 gola dhe duke asistuar në katër të tjerë në 20 paraqitje në të gjitha garat për Wolves deri më tani në 2024/2025.

Me Wolves që momentalisht po Lufton për mbijetesë në Ligën Premier, është e sigurt për t’u thënë se braziliani ka qenë një lojtar kyç për ta në muajt e fundit.

Për këtë arsye, nuk është aspak befasi që trajneri i ri Vitor Pereira po ngurron që ta lejojë largimin e lojtarit të tij kryesor në mes të sezonit, duke e bërë një marrëveshje të mundshme tejet të vështirë për Arsenalin.

Sipas një raportimi nga Daily Mail, në mënyrë që të largojnë interesimin nga Arsenali, Ëolves është përgatitur që t’i ofrojë Cunhas një kontratë të re me pagë më të madhe, teksa kujtojmë se ajo aktualja i skadon në 2027./Telegrafi/