Arsenali ka vendosur një rekord të çmendur në Angli që mund të mos thyhet asnjëherë

Arsenal ka bërë histori në futbollin anglez pas fitores së thellë me rezultat 5-1 në udhëtim ndaj Crystal Palace, teksa të besuarit e Mikel Artetas tashmë janë pozicionuar në vendin e tretë në tabelë.

‘Topçinjtë’ morë këtë fitore të madhe në ‘Selhurst Park’ me golat e shënuar nga Gabriel Jesus (x2), Kai Havertz, Gabriel Martinelli dhe Declan Rice.

Kjo do të thotë se Arsenali tashmë është dhjetë ndeshje pa humbje teksa po futen në ndeshjen e fundit të vitit ndaj Ipswich Town.

Në fakt, ata janë ta pamposhtur në derbit e Londrës gjatë tërë vitit kalendarik, diçka që nuk ka ndodhur që nga vitit 2005 kur Chelsea fitonte nëntë ndeshje dhe barazonte një tjetër.

Lexo po ashtu Arsenali mbetet hije e Liverpoolit dhe Chelseat me fitoren ndaj Crystal Palaces

Ndoshta ajo që është më e jashtëzakonshme është fakti se Arsenali u bë ekipi i parë në histori të futbollit anglez që shënon pesë ose më shumë gola në gjashtë ndeshje të ndryshme si mysafir brenda vitit kalendarik.

Pas përfundimit të ndeshjes, Arteta foli edhe për ambiciet që ka klubi i tij për t’u shpallur kampion.

6 – Arsenal have scored 5+ goals in six different away games in all competitions in 2024, the most ever by an English top-flight club in a single calendar year. Ruthless. pic.twitter.com/18V19N4byf

— OptaJoe (@OptaJoe) December 21, 2024

“Ne natyrisht e duam titullin, por duhet ta shfaqim këtë për 10 muaj. Kërkesat janë të jashtëzakonshme. Të luash çdo tri ditë për 12-13 javë është absolutisht e çmendur”.

“Ne po përpiqemi ta japim më të mirën por fatkeqësisht, sot, përsëri, ne humbëm lojtar për shkak të lëndimit. Po ndodhë me çdo skuadër, por ne natyrisht po përpiqemi”, ka thënë spanjolli./Telegrafi/