Manchester United po hyn seriozisht në garë për të transferuar Kenan Yildiz, sulmuesin 20-vjeçar të Juventusit, i cili po konsiderohet si një nga talentet më premtues në Evropë.
Klubi anglez është gati të bëjë një ofertë këtë verë, duke kërkuar të fitojë garën ndaj Chelseat dhe Arsenalit, që gjithashtu janë të interesuara për lojtarin.
E ardhmja e Marcus Rashford mund të ndikojë shumë në këtë transferim.
Nëse Paris Saint-Germain paraqet një ofertë të lartë për të, atëherë United do të ketë më shumë para në dispozicion për të blerë Yildiz, që vlerësohet rreth 90 milionë euro.
Yildiz ka bërë paraqitje të mira në Serie A dhe është tashmë pjesë e rregullt e Kombëtares së Turqisë.
Ai mund të luajë në disa pozicione në sulm, gjë që e bën shumë tërheqës për klubet angleze.
Megjithatë, Juventusi nuk dëshiron ta shesë lehtë dhe nuk pranon oferta të ulëta.
Trajneri Allegri e ka përdorur rregullisht këtë sezon dhe e sheh si pjesë të rëndësishme të skuadrës për të ardhmen.
United duket gati të veprojë i pari dhe ta sigurojë lojtarin përpara rivalëve. Vendimi final pritet në afatin kalimtar të verës, ndërsa Liga Premier shihet si destinacioni më i mundshëm për të riun turk. /Telegrafi/
