Arsenali do të jetë nikoqir i skuadrës belge Standard Liege në xhiron e dytë të Ligës së Evropës.

Dy skuadrat ndodhen në Grupin F dhe e kanë nisur me fitore aventurën evropiane.

Arsenal triumfoi me rezultat bindës 0-3 te Eintracht Frankfurt, derisa Standard mposhti 2-0 klubin portugez Guimares.

Dy skuadrat tani do të përballen në Emirates stadium për pozitën e parë në grup.

Tek vendasit nga minuta e parë në fushë do të jetë Shkodran Mustafi, derisa Granit Xhaka është në bankën rezervë.

Ndërsa për mysafirët titullar si gjithnjë është mbrojtësi i Kosovës, Mërgim Vojvoda.

Formacionet zyrtare:

Arsenal: Martinez, Bellerin, Mustafi, Holding, Tierney, Ceballos, Torreira, Willock, Maitland-Niles, Martinelli, Nelson.

Standard: Savic, Vojvoda, Vanheusden, Laifis, Gavory, Lestienne, Boljevic, Cimirot, Bastien, M’Poku, Emond. /Telegrafi/

Liga e EvropësSport
telegrafi sport app