Arrestohet mbreti i marihuanës: Për tetë vite u fsheh nga Policia, banorët e quajnë Robin Hood (Video)

John Robert Boone i njohur si Jonny, shefi i mafias “Cornbread”, grup kriminal që gjatë viteve të 80-ta kishte operuar në qytetin amerikan Kentucky dhe që për vite të tëra kishte ikur nga policia dhe figuronte në listën e kriminelëve më të kërkuar në Amerikë, tek tani është arrestuar, shkruan Mirror.

Bone shumë vite më parë kishte probleme me policinë. Ndërkaq në korrik të vitit 2008 në fermën e tij janë gjetur 2421 rrënjë të marihuanës, dhe rrezikohej me burgim të përjetshëm, transmeton Telegrafi.

Që nga ai moment është zhdukur duke mos lënë asnjë gjurmë, por pas më shumë se tetë vite hetime intensive, John Boone është lokalizuar në një qytezë në afërsi të Montrealit, ku edhe është arrestuar nga policia kanadeze.

Mafia Conrbread kishte marrë emrin për faktin se marihuanën e kishin fshehur në ara të misrit. Johnny Boone ka mbajtur epitetin e më të mirit në fushën e tij, kurse banorët lokalë thonë se ai është një njeri shpirtmirë ku madje i kanë dhënë epitetin e Robin Hood-it, pasi që ndihmonte të gjithë që kishin nevojë për ndihmë.

Shumë prej banorëve lokal kanë pranuar haptazi se për asnjë moment nuk do t’i kishin treguar policinë vendndodhjen e tij, edhe po ta kishin ditur se ku fshihet. /Telegrafi/