Arrestohet aktori i “Home Alone” Devin Ratray, dyshohet se tentoi ta vrasë të dashurën

Devin Ratray, aktori i njohur më shumë për rolin e tij në “Home Alone”, thuhet se është arrestuar me akuzat për dhunë në familje.

Sipas TMZ, 44-vjeçari iu dorëzua autoriteteve dhe do të qëndrojë në burgun e qytetit Midwest.

Arrestimi rrjedh nga një grindje e dyshuar mes Ratray dhe ish-të dashurës së tij në Oklahoma këtë muaj.

Aktori, i cili luajti Buzz McCallister në dy pjesët e para të “Home Alone”, raportohet se ishte në qytet për Oklahoma Pop Christmas Con, një ngjarje pushimi dy-ditor që përfshinte takime, shfaqje filmash, ushqime e kostume të ndryshme.

Lexo po ashtu Të gjitha lajmet nga Home Alone

Një ditë pas evenimentit, e dashura e Ratray paraqiti një raport policie duke pretenduar se ai e sulmoi fizikisht atë gjatë një debati në një hotel OKC. Sipas një deklarate të siguruar nga TMZ, gruaja thotë se sherri filloi ndërsa ata ishin duke pirë. Në një moment gjatë natës dy fansa dyshohet se iu afruan çiftit dhe i kërkuan Ratray autografin e tij.

Debati thuhet se vazhdoi kur çifti mbërriti në dhomën e tyre të hotelit. Gruaja i tha policisë se ishte i dehur dhe filloi ta shtynte, ta godiste dhe ta mbyste përpara se të thoshte “Kështu do të vdesësh ti”.

Gruaja paraqiti një raport policie më 10 dhjetor Devin u akuzua përfundimisht për sulm në familje.

Aktori, i cili gjithashtu luajti në filmin e këtij viti “Home Sëeet Home Alone”, i ka mohuar akuzat, duke pretenduar se zënka e tyre nuk u kthye kurrë fizike. /Telegrafi/