LAJMI I FUNDIT:

Arrestimi i Habilajt, Basha: Çfarë pret Rama të arrestojë Tahirin

Arrestimi i Habilajt, Basha: Çfarë pret Rama të arrestojë Tahirin

Kryetari i PD, Lulzim Basha ka reaguar sërish këtë të martë lidhur me arrestimin e Moisi Habilajt nga policia italiane, duke deklaruar se PD i ka denoncuar mijëra herë lidhjet e Tahirit me këtë bandë.

“Me mijëra herë Edi Rama ka mbrojtur Tahirin edhe atëherë kur lidhja e tij u provua me dëshminë e Dritan Zaganit, i cili denoncoi se kjo bandë përdorte mes të tjerash makinën e Saimir Tahirit, me imunitet ministror. Tani Edi Rama hesht. Çfarë do të thuash tani, që Moisi Habilaj ndodhet nën pranga dhe i akuzuar si kreu i një prej bandave kryesore të narkotrafikut?”, ka thënë Basha duke iu drejtuar Ramës.

Sipas Bashës, partnerët strategjikë prej vitesh e muajsh i kanë vënë në dispozicion kryeministrit Rama të dhëna që faktojnë përfshirjen e Tahirit në trafikun e drogës mes Shqipërisë dhe Italisë.

“Por Rama e ka mbrojtur ministrin e tij dhe tani e ka promovuar koordinator të qeverisjes me qytetarët. Ne e dimë se provat për përfshirjen e Tahirit do të bëhen publike, ne e dimë se prej kohësh ato janë në duart e Edi Ramës. Pyetja që shtrohet është çfarë pret Rama t’i vërë prangat dhe ta ekstradojë, në mos ta gjykojë këtu Tahirin, si një nga kapitenët e drogës?”, ka thënë Basha.

Ai ka theksuar se, mbrojtjen e Tahirit, Rama e ka bërë me vetëdije të plotë sepse paratë e drogës janë përdorur në zgjedhjet e 2017-s.

“Sot të gjithë partnerët kanë fakte të pakundërshtueshme të lidhjes së Ramës dhe Tahirit me bandat shqiptare. Shqiptarët kanë dy rrugë: të ulin kokën dhe të pranojnë realitetin malinj, ose të përdorim të drejtën për të mos u qeverisur as nga bandat as nga kryeministri i lidhur me ta”, ka vijuar Basha.

Por mbi të gjitha, ka shtuar ai, sot është koha që Tahiri të arrestohet dhe ndaj tij të nisë procedimi penal. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori