Secili regjisor ka stilin e vet në realizimin e filmave, ndërsa në këtë aspekt nuk bën përjashtim as John Woo. Madje shumë kritikë thonë se filmat e tij janë shumë të ngjashëm me njëri-tjetrin për shkak të disa “shenjave dalluese” që i përfshin në filmat e tij.
Mirëpo, ajo që bën filmbërësi i njohur mirëpritet nga fansat e filmave të tij dhe ata presin pikërisht përfshirjen e këtyre elementeve dalluese në çdo film që drejtohet nga 71-vjeçari.
John Woo është një regjisor, skenarist dhe producent kinez nga Hong Kongu, i cili është pronar i kompanisë së filmit, Lion Rock Productions.
Ai konsiderohet si një nga filmbërësit me ndikim të madh në zhanrin aksion, i njohur për sekuencat mjaft aktive kaotike, duelet meksikane, si edhe për përdorimin e shpeshtë të xhirimit të ngadalësuar.
‘Dueli meksikan’ është një ballafaqim ndërmjet dy ose më shumë palëve, ku nuk ekziston ndonjë strategji që ia mundëson ndonjërës nga palët që të arrijë fitore. Si rezultat i kësaj, të gjitha palët duhet ta mbajnë tensionin, i cili mbetet i pazgjidhur derisa ndonjë ngjarje anësore e bën të mundur që të ndodhë zgjidhja.
Ai i ka realizuar disa prej filmave më të suksesshëm të zhanrit aksion në Hong Kong, në mesin e të cilëve janë “A Better Tomorrow” (1986), “The Killer” (1989), “Hard Boiled” (1992) e “Red Cliff” (2008/2009).
https://www.youtube.com/watch?v=LX6wKhZk31M
Ndërkaq, filmat hollivudianë që mbajnë firmën e tij, ndër më të suksesshmit, janë “Hard Target” (1993) me Jean-Claude van Damme në rolin kryesor, “Broken Arrow” (1996) ku luajnë John Travolta dhe Christian Slater, trilleri fantastiko-shkencor “Face/Off” (1997), me John Travolta dhe Nicolas Cage si protagonistë, si edhe “Mission: Impossible 2” (2000) nga seria filmike me Tom Cruise në rolin kryesor.
Thuajse në të gjithë filmat e tij, vërehet dora e John Woo. Disa prej shenjave dalluese të regjisorit të filmave aksion, Telegrafi jua sjell më poshtë:
Përdorimi i dy armëve nga protagonisti kryesor
Që nga filmi “A Better Tomorrow”, thuajse secili protagonist në filmat e John Woo ka gjuajtur me dy armë. “Më duhet një protagonist që i vret dhjetë njerëz në një dhomë, prandaj e kam bërë që të mbajë dy armë”, është shpjegimi i regjisorit.
Ndërkohë, kjo shenjë dalluese e krijuar nga ai, për vitet të tëra është përshtatur edhe filmat e regjisorëve të tjerë. Përmendim “Desperado” dhe “The Matrix” që e kanë huazuar .
Plumba që fluturojnë dhe trupa që rrëzohen
Dashamirët e filmave të John Woo gjithmonë presin të ketë shumë plumba dhe trupa që bien. Para se këtë gjë ta bënin në Hollywood, në filmat si “Reservoir Dogs” e “The Matrix”, regjisori kinez e ka bërë shumë më herët. E gjitha nisi nga filmi i vitit 1983, “Heroes Shed No Tears”, ndërsa kulmoi me “A Better Tomorrow”.
Xhirimi i ngadalësuar
https://www.youtube.com/watch?v=xNA-O492aVw
Është një nga më të pëlqyerit e regjisorit. Ai preferon që gjatë aksioneve interesante, lëvizjeve apo rrëzimeve ta bëjë këtë në xhirim të ngadalësuar.
Pëllumbat
Nëse stolitë janë ato që i duan femrat, John Woo padyshim se i pëlqen pëllumbat. Dashuria e tij për pëllumbat u bë më e dukshme në filmat hollivudianë, pasi në shumë raste pëllumbat e bardhë janë prezencë simbolike në filmat e tij.
Dueli ballë për ballë
Protagonisti kryesor dhe karakteri negativ vendosen përballë dhe ia drejtojnë armët njëri-tjetrit, ndërkohë që shkëmbejnë disa fjalë. Kjo i mundëson filmbërësit që të përfshijë edhe humorin e zi në filmat e tij.
Moda: Kostume, pallto të gjata dhe syze
Karekterët në filmat e tij kanë po ashtu ndikim edhe në fushën e modës. Ata zakonisht vishen me kostume, ndërkohë që palltot e gjata dhe syzet me stil janë pjesë e filmave të Woo.
Shpinë për shpinë
Ndodh që heroi dhe karakteri negativ takohen shpinë për shpinë dhe pastaj shkëmbejnë fjalë dhe përballen me njëri tjetrin. Skena të tilla janë parë edhe në filmat hollivudianë, “Hard Target” dhe “Face/Off”.
Pasqyra
John Woo pëlqen t’i shfrytëzojë reflektimet e pasqyrës në sekuencat e filmave të tij. Në radhë të parë e paralajmëron heroin e filmit për rrezikun që e pret, si dhe është një mënyrë për ta sulmuar kundërshtarin.
Në videot e mëposhtme janë përmbledhjet e disa prej shenjave dalluese, të cilat John Woo i përdor thuajse në secilin film. /Telegrafi/
Promo
Reklamo këtuLufta Prigozhin - Putin
Më shumëCapital T për pak rrëzohet në skenën e "Sunny Hill" - por e menaxhon mirë situatën
Dua Lipa takon tenistët e rinj të Kosovës gjatë vizitës së saj në Prishtinë
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë
Mijëra njerëz pritën në shiun e rrëmbyeshëm për ta parë Rita Orën në festivalin 'As Young As Vilinus' në Lituani
Demi Rose publikon fotografi të guximshme, shfaqet tërësisht e zhveshur
Celine Dion bën rikthimin madhështor duke performuar në hapje të Lojërave Olimpike 2024
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Koci jep detajet e fundit për rastin e Faton Hajrizit: Çdo informacion po e marr me rezervë të madhe
Ish-fituesi i Kupës së Botës, Philipp Lahm, jep shtëpi me qira me Airbnb për vetëm 21 euro në natë - ai premton se do të mirëpresë personalisht mysafirët
Sondazhi i New York Times - kush po udhëheq, Harris apo Trump
"Unë jam gjallë, nuk është ende vonë", gjermani i dënuar me vdekje në Bjellorusi kërkon ndihmë përmes televizionit shtetëror
E nisi me humbje të thellë me Juventusin, këto janë fjalët e Thiago Mottas
E gjuajtën edhe në Kosovë, Bebe Rexha i drejtohet sigurimit në shqip që të mos e largojë fansin: Lëre lëre, është vetëm një bluzë