Arjola Demiri flet për Beatrix Ramosaj në kohën e Big Brother: I kanë thyer xhamat e makinës, i kanë shqyer gomat

Aktorja Arjola Demiri ka qenë pjesë e edicionit të parë të Big Brother VIP Albania.

Ajo së fundmi ishte e ftuar “N’krejt debat” duke folur për këtë reality shou, se kush ka humbur e kush ka fituar më shumë nga ai.

“Populli pas daljes nga Big Brother sado që të ka dashur edhe e zbeh dashurinë që ka për ty vetëm për faktin që të njeh mirë në të gjitha anët e tua, të mira të errëta, negative më pozitive. Fillojnë e zbehin interesin për ty”, u shpreh ajo.

Artistja nga Tropoja shtoi: “Duhet ndoshta punë, mund që ta mbash këtë famën prapa Big Brother. Mendoj që Fifit i kanë ardhur shumë gjëra për një herë, ka qenë njohja me burrin e vet, lidhja e djalit. Sado që talentin e ka mendoj që ndoshta i duhet një kohë për të arritur aty ku ishte”.

Në një moment, ka folur për ndikimin që ky format pati te këngëtarja Beatrix Ramosaj, e cila krijoi një lidhje dashurie me Donald Veshajn.

Lexo po ashtu Të gjitha lajmet nga Arjola Demiri

“Trixa është një njeri shumë i ndjeshëm. Duke marrë parasysh se nëna e ka rritur si lule mos më prek. Me thënë të vërtetën. E gjithë ajo trysni, ai presion, akuzat komentuesit njerëzit që e bombarduan Trixën në një mënyrë të frikshme saqë i kanë thyer xhamat e makinës kanë shpuar gomat, mendoj që deri diku ka qenë shumë e padrejtë”, theksoi ajo.

“Komentuesit dhe njerëzit kanë qenë jashtëzakonisht agresiv. Mendoj që një nga arsyet kryesore për të lënë Shqipërinë e për të ikur në Amerikë ka qenë kjo trysni e frikshme ndaj Trixës, familjes së Trixës, e gjithë rrethit të saj”, tha ndër të tjerash. /Telegrafi/

“I kanë ťhy xhamat e makinës, ja kanë shqyҽɾ gomat”, Arjola Demiri shokon me deklaratën, tregon si publiku e “shkᶏtërroi” Beatrix Ramosaj♬ original sound – RTV DUKAGJINI

Watch on TikTok