Argjentina me shumë vështirësi ndaj Nigerisë, por kalon tutje

Ndeshja mes Argjentinës dhe Nigerisë doli të jetë shumë interesante, ku në minutat e fundit fitues dolën argjentinasit me rezultat 2-1.

Ndeshja nisi shumë mirë për Argjentinën, që radhiti rastet para portës së Nigerisë. Lionel Messi ishte në top formë. Ai arriti të shënojë që në minutën e 14-të.
Pasim i bukur nga Ever Banega për Lionel Messin që vrapon drejt zonës dhe gjuan me të djathtën për të shënuar për 1-0.

Pas tij rrezikoi Higuain që doli përballë portierit, por që nuk arrin të shënojë. Messi goditi shtyllën nga goditja e dënimit në minutën e 33-të, ku ishte i pafat, pasi gjuajti bukur. Pjesa e parë u mbyll pa rrezikuar asnjëherë.

Pjesa e dytë nisi me një penallti. Një ndërhyrje e pakuptimtë e Javier Mascheranos në zonë, bëri që gjyqtari Cuneyt Cakir të akordojë penallti.

Nga pika e bardhë doli të jetë i saktë Moses që shënoi në minutën e 49-të.

Argjentina nga ky moment mori lojën përsëri në dorë dhe kuronte golin.

Higuain, Messi dhe Pavon rrezikuan, por pa sukses. U desh të vije minuta e 86-të ku pas harkimit në zonë me një goditje të bukur shënoi Marcos Rojo.
Argjentina me katër pikë kalon tutje, si e dyta pas Kroacisë që tuboi nëntë pikë. /Telegrafi/

Messi GOAL in unbelievable 😲#worldcup #ARG #NGA #ARGNIG pic.twitter.com/JyUm3eoIa3

— Mr.Friday (@aka_mrfriday) June 26, 2018

https://twitter.com/FootNekkers/status/1011688767885905920

https://twitter.com/PaulKiarie_/status/1011698597077938178