Apple Music është instaluar mbi 40 milionë herë në pajisjet Android

Apple së fundmi njoftoi se do të lansojnë Apple Music në Android.

Kjo është për shkak të ndarjes midis përdoruesve të iOS dhe Android, ku është shumë e rrallë që Apple të sjellë shërbimet e saj në platformat konkurruese.

Megjithatë, nuk është për t’u habitur kur imagjinojmë se Apple ndoshta do të dëshironte të tërheqë sa më shumë konsumatorë të jetë e mundur.

Në fakt, duket se vendimi i Apple për të lansuar Apple Music në Android po shpaguhet.

Sipas shifrave të fundit nga Sensor Tower, duket se Apple Music është instaluar në 40 milionë pajisje Android deri tani.

Gjithashtu duket të jetë një trend në rritje për shkak se rreth 2 vjet më parë, Apple Music në Android ishte në rënie, por për çfarëdo arsye, ajo ka marrë përsëri popullaritet, por nuk dihet përse.

Kompania është pak a shumë në vendin e dytë kur bëhet fjalë për transmetimin e muzikës, kaluar vetëm nga Spotify.

Apple Music gjithashtu ka avantazhin e para-instalimit në pajisjet iOS, duke e bërë më të lehtë për përdoruesit të regjistrohen për shërbimin.

Një analizë nga Sensor Tower zbuloi se përdoruesit në SHBA përbënin 28% të instalimeve të Apple Music në Android deri më sot, ndjekur nga India në 7%, pastaj nga Mbretëria e Bashkuar, Brazili dhe Rusia me 6%, 5% dhe 4 % respektivisht. /Telegrafi/