Anthony Joshua tregon se çelësin e suksesit e ka kopjuar prej Sir Alex Fergusonit

Anthony Joshua do të mbrojë titujt kampionë për pesha të rënda në IBF dhe WBA ndaj Carlos Takam.

Boksieri britanik ka treguar edhe çelësin e suksesit, ku tregon edhe metodologjinë që ndjek për të arritur majat e boksit profesionist.

Në fakt, ai ka zbuluar se ndjek hapat e ish-trajnerit të Manchester Unitedit, Sir Alex Fergusonit, i cili ka pasur disa rregulla në botën e futbollit.

Lexo po ashtu Bëhen kalkulimet e para se sa mund të fitojnë Joshua dhe Takam pas meçit

“Ferdidand më ka treguar për reagimet e Sir Alex pas suksesit me Manchester United”, ka thënë Joshua.

“Ai tha se vetëm një ditë na lejonte të shijomë fitoren dhe më pas na bënte të mendonim për suksesin tjetër. Ferguson më pas u thoshte se gjithçka që tani ka rëndësi është titulli tjetër. Loja tjetër që do ta kujtojmë është ndeshja e fundit që do ta luajmë”, zbuloi Joshua se çfarë i kishte thënë ish-reprezentuesi anglez Rio Ferdidand.

Ai më tutje ka pohuar se e ka bindur veten se në këtë formë mund të arrij suksese të mëdha, të cilat do të kujtohen edhe pas një dekade.

“Ai ishte gjeneral dhe shef. E kam bindur vetveten. Më duhet të jem edhe unë gjeneral në ring, shef i vetvetes. Edhe pas dhjetë vjetëve nga tani sërish do të flitet për meçin tim kundër Klitschkos”, tha britaniku.

Lexo po ashtu Kush është Carlos Takam? Gjithçka që duhet të dini për kundërshtarin e Joshuas (Foto/Video)

Shqiptarët janë adhurues të mëdhenj të boksit dhe spektakli i kësaj përballje të madhe me kohën tonë lokale do të fillojë nga ora 23:00. /Telegrafi/