Anna Lika sqaron batutën që nxiti shumë komente (Video)

Aktorja Anna Lika ishte e ftuar ne programin Një kat më lart me Ermal Peçin.

Nisur nga reagimet e shumta të mediave rozë dhe rrjeteve sociale ndaj batutës së saj se “po ngrohte organin seksual”, nikoqiri e nisi intervistën me të duke treguar se kur e mori në telefon për ta ftuar në program  pyetja e parë që i bëri ishte: “Çfarë po bën ti tani?”.

Me shumë të qeshura nisi intervista, por që s’mund të mbetej me kaq.

Anna sqaroi në program se nuk e kuptoi gjithë këtë reagim të madh me komente në mediat sociale, pasi sipas saj është normale që me një mikeshë të flasësh në këtë mënyrë.

“Nuk ma heq njeri nga mendja, që kushdo që flet me një të afërm mund të flasë më këtë fjalor. Unë Rudinën e kam shumë mikeshë. Ne mund ta prisnim si pjesë, por se bëmë”, është shprehur ajo.

Prezantuesi ka ndërhyrë duke e pyetur nëse e bën për vëmendje, teksa aktorja e ka mohuar menjëherë.

Lika tregoi se në Instagramin e saj ka postuar shpesh fotografi, video nga aktivitetet e saja, por videoja me këtë batutë është më e parë. Fatkeqësisht, sipas saj, njerëzit këto gjëra i pëlqejnë.

Për më shumë, ndiqeni më poshtë intervistën me Anna Likën në Një kat më lart.