Gratë e Anglisë kanë triumfuar në Kampionatin Evropian , duke e mposhtur Gjermaninë në një finale emocionuese, ku fituesi u caktua në kohën shtesë.
Anglia mundi Austrinë, Norvegjinë, Irlandën e Veriut, Spanjën dhe Suedinë në rrugën e tyre për në finale.
‘Tre Luanët’ dukeshin të rrezikshëm që në minutën e parë, por që pjesa e parë nuk soli gola.
Në pjesën e dytë, pikërisht në minutën e 62-të, Ella Ann Toone shënoi për 1-0.
Megjithatë, Gjermania nuk vonoi shumë dhe pas 10 minutash barazoi në 1-1 me Lina Magull.
Pas një sërë rastesh për të dyja skuadrat, spektakli i së dielës shkoi në kohën shtesë.
Por në minutën e 110-të, sulmuesja e Man Cityt, Chloe Kelly, shënoi golin që doli të jetë i fitores.
https://twitter.com/RobertoRojas97/status/1553808989690929152
Deri në fund nuk kishte më gola dhe Anglia triumfoi në Kampionatin Evropian për gra. /Telegrafi/
