Ancelotti konfirmon largimin: Casemiro dëshiron të provojë një sfidë të re

Trajneri i Real Madridit, Carlo Ancelotti ka konfirmuar se mesfushori Casemiro ka vendosur të largohet dhe të bashkohet me Manchester Unitedin.

Para disa ditësh u raportua për një interesim befasues të Unitedin për Casemiron dhe pas vetëm pak kohësh, transferimi pritet të ndodh.

Djajtë e Kuq thuhet se kanë arritur marrëveshje personale me lojtarin dhe tashmë po diskutojnë një marrëveshje transferimi me Real Madridin.

Lexo po ashtu Në Angli të sigurt – Casemiro testet mjekësore të premten, pastaj marrëveshja me Man Utd

Casemiro është gati t’i bashkohet klubit të madh anglez dhe këtë tashmë e ka konfirmuar edhe trajneri i Los Blancos

“Kam folur me Casemiron. Ai dëshiron të provojë një sfidë të re. Ne e kuptojmë vendimin e tij”, ka thënë fillimisht Ancelotti.

“Negociatat janë në vazhdim, por ai ka vendosur të largohet nga Real Madrid. Casemiro nuk do të luajë të shtunën”.

Lexo po ashtu Ancelotti kundër transferimit të Casemiros te Man Utd

“Zëvendësimi i tij? Ne kemi nënshkruar me Tchouamenib dhe ai është një nga më të mirët në treg. Pastaj kemi Kroos dhe Camavinga”.

“Dje kuptova se ishte një gjë e vërtetë për kalimin e Casemiros në Man Utd. Planet e mia nuk do të ndryshojnë”, përfundoi trajneri italian. /Telegrafi/