Ambasadori i amerikan Greg Delawie, sërish ka paralajmëruar autoritetet kosovare për pasojat e mundshme nëse themelohet Ushtria e Kosovës nëpërmjet Projektligjit që ka propozuar presidenti Hashim Thaçi.
Ambasadori Delawie ka kërkuar nga institucionet e Kosovës që të ndalojnë nismën për bërjen e ushtrisë në këtë kohë.
Ai ka bërë thirrje që të reflektojnë për pasojat e mundshme nëse vazhdohet në mënyrën e propozuar javën e kaluar.
Lidhur me këtë analisti Imer Mushkolaj, në një prononcim për Telegrafin ka theksuar se Kosova nuk e ka luksin tash që të ndërmarr veprime që çojnë në izolim.
“Do të ishte jashtëzakonisht e dëmshme që presidenti të ndërmarrë këtë nismë për interesa individuale. SHBA mbështet krijimin e ushtrisë dhe mbase deri në kohën e ndryshimeve të nevojshme ligjore do të gjenden modalitete të pajtueshme me partnerët ndërkombëtarë”, ka thënë Mushkolaj.
Ai ka theksuar se çdo veprim që nuk është në pajtim me aleatët do jetë i dëmshëm për vendin.
Edhe analisti tjetër, Bajrush Morina ka theksuar se nuk duhet të ndërmerren veprime për formimin e Ushtrisë së Kosovës pa konsultimin e ndërkombëtarëve.
“Për formimin e ushtrisë së Kosovës deri më tash po i dëgjojmë dy të vërteta: të vërtetën në gjuhën shqipe dhe në gjuhën angleze. Të vërtetën në gjuhën shqipe po e thonë për pikë qejfi të tyre liderët tanë politikë e institucionalë. Të vërtetën në gjuhën angleze po e thonë ndërkombëtarët. Ndërkaq duke e pasur parasysh faktin se Pavarësia e Kosovës është projekt ndërkombëtar, atëherë pritet që fjala e fundit për ushtrinë e Kosovës të thuhet nga ndërkombëtarët”, ka thënë Morina në një prononcim për Telegrafin.
Morina ka theksuar se në këtë kuadër fjala e ambasadorit amerikan Greg Delawie do të duhej të jetë vendimtare.
“Deklarata e ambasadorit amerikan nuk është ndërhyrje në vendimet e vendorëve. Ushtria e Kosovës duhet të jetë pjesë e NATO-s e jo ushtri për ceremoni festive vendore. Kosova pa Amerikën është jetime. Amerika për Kosovën është Liria, shpresa dhe siguria. Pa Amerikën Pavarësia e Kosovës rrezikohet në themel ndërkaq e ardhmja duket e zymtë”, u shpreh Morina.
Ai theksoi se vetëm me miqësinë e përhershme me SHBA-të, shteti i Kosovës ka kuptim të plotë të sovranitetit e të integritetit shtetëror.
Pavarësisht këtyre deklaratave, presidenti Hashim Thaçi është i palëkundur nga vendimi i tij për të formuar Ushtrinë e Kosovës.
Ai këtë e ka rikonfirmuar edhe një herë përmes një letre dërguar Sekretarit të Përgjithshëm të NATO-s, Jens Stoltenberg.
Përmes kësaj letre Thaçi i ka qartësuar Stoltenbergut se përse Kosova duhet të formojë Ushtrinë, si dhe i ka bërë të qartë se Kosova nuk do ta pyes Serbinë për këtë./Telegrafi/
Lufta Prigozhin - Putin
Më shumëThemelorja konfirmon aktakuzën ndaj Agron Mustafës, ngarkohet se i shkaktoi dëm afër 7 milionë euro Telekomit
Kurti optimist, shpjegon se si do ta menaxhojë sfidën për anëtarësimin e Kosovës në Këshill të Evropës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Plagosen dy persona në Ferizaj
Takimi i Kurtit me Baerbock, Ministria e Jashtme Gjermane: U diskutua se si t’i hapet rruga anëtarësimit të Kosovës në Këshill të Evropës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë