Amorim për humbjen e parë si trajner i Man Utd: Humbëm nga goditjet standarde

Trajneri i Manchester Unitedit, Ruben Amorim pranoi se goditjet standarde të Arsenalit ishin faktori vendimtar në fitoren e tyre 2-0 ndaj ekipit të tij.

Arsenali mposhti Unitedin me rezultat 2-0 në ndeshjen e zhvilluar të mërkurën mbrëma në Emirates, duke ia shkaktuar humbjen e parë portugezit Amorim.

“Goditjet standarde ndryshuan lojën. Ne mund të ishim më agresivë në zonën e Arsenalit”, ka thënë fillimisht Amorim.

“Deri tek ndërprerjet, loja nuk pati shumë mundësi për të dyja ekipet, goditjet standarde e vranë lojën”.

Lexo po ashtu Arsenali i shkakton humbjen e parë Ruben Amorimit si trajner i Man United

Amorim pranoi se aftësia e Arsenalit për të mbushur zonën me lojtarë e bëri të vështirë që ekipi i tij të mbrohej kundër goditjeve standarde.

“Ata mund të vendosin shumë lojtarë pranë portierit dhe është pothuajse e pamundur të luftosh për topin”.

Arsenal put an end to Ruben Amorim’s perfect start at Man United ❌ pic.twitter.com/x2pKrwrqZ3

— OneFootball (@OneFootball) December 4, 2024

Pavarësisht humbjes, Amorim vlerësoi angazhimin dhe organizimin e skuadrës së tij, por në fund pranoi se goditjet standarde të Arsenalit ishin ndryshimi.

“Ne ishim të përkushtuar dhe humbëm në goditje standarde”, përfundoi trajneri i Unitedit. /Telegrafi/