Komisioni Qendror i Zgjedhjeve ka bërë të ditur se iniciativa për tërheqjen e kryetarëve të komunave veriore në Kosovë nuk ka arritur kuorumin e nevojshëm të votuesve për t’u konsideruar si valide.
Lidhur me këtë, një zëdhënës i ambasadës së SHBA-së në Kosovë ka thënë për Telegrafin se qëndrimi i Shteteve të Bashkuara ndaj situatës është qartë dhe i pandryshuar, duke theksuar mbështetjen për një Kosovë demokratike, gjithëpërfshirëse dhe multietnike, si dhe zgjedhjet e lira dhe legjitime që kontribuojnë në këtë drejtim.
Më 21 prill, qytetarët e katër komunave në veri të Kosovës u ftuan të votojnë në një referendum për tërheqjen e kryetarëve të tyre komunalë, pas një nisme të suksesshme qytetare brenda kuadrit ligjor të vendit dhe të vërtetuar nga KQZ.
Ambasadori i SHBA-së në Kosovë, Jeffrey Hovenier, dhe zyrtarë të tjerë të qeverisë amerikane vazhdimisht kanë shprehur besimin se qytetarët e Kosovës duhet të kenë të drejtën të tërheqin zyrtarët e tyre të zgjedhur në përputhje me legjislacionin e Kosovës.
Në prag të votimit, QUINT-i dhe Bashkimi Evropian i kishte bërë thirrje Listës Serbe dhe aktorëve të tjerë politikë serbë të Kosovës që të rishikojnë qëndrimet e tyre dhe të marrin pjesë në këtë proces ligjor. Megjithatë, kjo ftesë nuk arriti të nxisë mjaftueshëm pjesëmarrjen e votuesve.
“Votimi është një nga liritë themelore në shoqëritë demokratike dhe pjesëmarrja aktive e qytetarëve çon në një përfaqësim më të mirë dhe demokraci më të shëndoshë. Komisioni Qendror i Zgjedhjeve ka bërë thirrje të gjithë votuesve të regjistruar në këto komuna për të marrë pjesë, por pjesëmarrja ka qenë dukshëm e ulët”.
“Zyrtarët amerikanë dhe ndërkombëtarë kanë ndjekur nga afër procesin dhe kanë vlerësuar përpjekjet e autoriteteve të zgjedhjeve kosovare për të lejuar të gjithë qytetarët e regjistruar të marrin pjesë. Megjithëse ka pasur vëzhgues ndërkombëtarë, ata kanë raportuar nivele të ulëta pjesëmarrjeje, të cilat kanë rezultuar në mungesën e një vendimi përfundimtar për tërheqjen e kryetarëve të bashkive. Këta kryetarë aktualisht qëndrojnë në poste, duke respektuar kornizën ligjore të Kosovës”, ka thënë zyrtari i ambasadës amerikane në Prishtinë.
Ndëraq, sipas KQZ-së në total kanë votuar 253 persona prej 46.556 qytetarëve që kanë pasur të drejtë vote.
Në Leposaviq votuan 124 votues apo 0.91 për qind e shifrës totale, në Zubin Potok, 18 votues, apo 0.26 për qind, në Zveçan asnjë votues, ndërsa në Mitrovicë të Veriut, 111 votues, apo 0.59 për qind e votuesve.
Kjo nënkupton se kryetarët aktualë do t’i vazhdojnë mandatet e tyre.
Ky proces u organizua teksa Lista Serbe, partia kryesore e serbëve në Kosovë, që gëzon mbështetjen e Beogradit zyrtar, ka bërë thirrje për bojkotim të votimeve.
Presidentja e Kosovës, Vjosa Osmani, e konsideroi si fatkeqësi bojkotimin e procesit të votimit nga serbët lokalë dhe sipas saj, kështu “Serbia kreu ndërhyrje të paligjshme në një proces zgjedhor të një shteti tjetër.
“Edhe njëherë, presidenti serb, Aleksandar Vuçiqi shkeli fjalën që ua kishte dhënë partnerëve ndërkombëtarë”, u shpreh Osmani./Telegrafi/
Promo
Reklamo këtuLufta Prigozhin - Putin
Më shumëFruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Çfarë pyetje u bëhen qytetarëve në diasporë për regjistrim?
Anëtarësimi i Kosovës në KiE, cilat janë vendet skeptike që duan fillimisht asociacionin?
Kurti merr kundërpërgjigje për kritikat ndaj Prokurorisë Speciale
AGK-ja dënon intimidimin publik të deputetit Dimal Basha ndaj gazetares së RTK-së
Profesori i kriminalistikës: Bandat ruse porositën sulm në burgun e Reçit në Shkodër, ja si u planifikua
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City