Raportet e mediave në Angli pretendojnë se trajneri i Juventusit, Massimiliano Allegri dëshiron të jetë shefi i ardhshëm i përhershëm i Manchester Unitedit.
Djajtë e Kuq shkarkuan trajnerin Jose Mourinhon më parë këtë muaj pas rezultateve negative në këtë fillim sezoni.
Ish-legjenda e klubit, Ole Gunnar Solskjaer erdhi si zëvendësues i portugezit në stolin e Unitedit deri në fund të sezonit.
Megjithatë, synimi i drejtuesve është për të gjetur një emër të madh si trajner të përhershëm të ekipit.
Allegri (Foto: Getty Images)
Mauricio Pochettino dhe Zinedine Zidane dolën si favoritët kryesor më parë për këtë punë, por tani po lidhet edhe një emër tjetër.
Sipas mediumit Times, trajneri i Juventusit, Allegri gjithashtu dëshiron të konsiderohet nga Unitedi.
Gazeta raporton se trajneri i Juventusit po merr mësime në gjuhën angleze për rreth një vit.
Ai thuhet se ka qenë i hapur edhe në të kaluarën duke shprehur dëshirën e tij për të punuar në Ligën Premier. /Telegrafi/
