Allegri po mëson gjuhën angleze, gati të drejtoj një skuadër në Ligën Premier

Massimiliano Allegri thuhet së është rrugës për t’u bërë trajner në Ligën Premier pasi ka filluar edhe mësimet intensive të gjuhës angleze.

Sipas revistës italiane Chi, Allegri dhe partnerja e tij, prezantuesja televizive Ambra Angiolini, do të jenë në Londër këtë verë dhe do të marrin kurse angleze.

Trajneri italian tani është një agjent i lirë pasi Juventusi vendosi të shkëpusë kontratën me të, edhe pse kishte edhe një vit të mbetur në marrëveshje.

Lexo po ashtu Allegri: Do ta zgjedh një skuadër që më pëlqen

Milani thuhet se po shqyrton Marco Giampaolon, Roma kanë vendosur për Paulo Fonsecan, kështu që nuk ka skuadra të Serie A të hapura për Allegrin.

Paris Saint-Germain konfirmoi Thomas Tuchelin, ndërsa Bayern Munich vendosi ta mbaj Niko Kovacin.

Lexo po ashtu Allegri pritet ta zë vendin e Sarrit te Chelsea

Nëse Maurizio Sarri emërohet trajner te Juventusi, atëherë Chelsea mund të shikojë emërimin e Allegrit si trajner i ri.

Skuadra tjera angleze që mund të vihen pas italianit janë Manchester Unitedi që po shqyrton të ardhmen e Ole Gunnar Solskjaer dhe Tottenham Hotspur që mund të humb shërbimet e Mauricio Pochettinos. /Telegrafi/